Cani chiguieeteʼ

◼ Cani zanda gusaananenu binni lu beeu mayo: folletu Lii zanda gaca xhamíguluʼ Dios ne Cani zeeda lu Biblia. Junio: libru Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia. Pa maʼ napa binni libru ca peru qué riuulaʼdxiʼ guiziidiʼ jma la? bisaanané laabe ti revista ni cadi tan nacubi o xiixa folletu ni chuuláʼdxibe. Julio ne agosto: folletu Lii zanda gaca xhamíguluʼ Dios ne Cani zeeda lu Biblia. Ora chigánnanu binni sti biaje galán gudiʼnu laa libru Xipeʼ ndiʼ cusiidiʼ Biblia o pa caquiiñepeʼ la? zanda iquiiñenu folletu Bicaadiaga Dios ne ni láʼ Bicaadiaga Dios ne qué ziuu dxi gátiluʼ, ne biʼniʼ stipa pur guzulú gúʼndaneluʼ binni ca.

◼ Riéchedu gábidu laatu zuzulú zaree revista Torre stiʼ ni rapa lu diidxaʼ náhuatl (norte de puebla) 1 stiʼ junio. Revista riʼ zedaneni ca tema ni guiuundaʼ guiráʼ semana ne xhupa xhonna tema ni zanda guʼndaʼ binni ni nabeza neza ra rucheechecabe diidxaʼ, nga runi zanda gusaananécabe ni laacaʼ.

◼ Tema nacubi ni láʼ «Cani caziideʼ de lu Biblia», ni guca para guʼndané binni ca xiiñiʼ ni napa chonna iza o ni jma nahuiiniʼ, zuzulú zaree ni lu revista Torre stiʼ ni rapa julio-septiembre. Ndiʼ cuchaa ni bieeteʼ lu Xhiiñaʼ Reinu ni Rúninu enero 2012.