Cani chiguieeteʼ

◼ Cani zanda gusaananenu binni lu beeu junio: libru Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia primeca biaje chigánnatu laa. Pa maʼ napa binni libru ca peru qué riuulaʼdxiʼ guiziidiʼ jma la? bisaanané laabe ti revista ni cadi tan nacubi o xiixa folletu ni chuuláʼdxibe. Julio ne agosto: folletu Lii zanda gaca xhamíguluʼ Dios ne Cani zeeda lu Biblia. Ora chigánnanu binni sti biaje galán gudiʼnu laa libru Xipeʼ ndiʼ cusiidiʼ Biblia o pa caquiiñepeʼ la? zanda gusaananenu laabe folletu Bicaadiaga Dios ne ni láʼ Bicaadiaga Dios ne qué ziuu dxi gátiluʼ, ne biʼniʼ stipa pur guzulú gúʼndaneluʼ binni ca. Septiembre: revista Torre stiʼ ni rapa ne ¡Despertad! Ora chigánnanu binni sti biaje galán gudiʼnu laa libru Xipeʼ ndiʼ cusiidiʼ Biblia o pa caquiiñepeʼ la? zanda gusaananenu laa folletu Bicaadiaga Dios ne ni láʼ Bicaadiaga Dios ne qué ziuu dxi gátiluʼ, ne biʼniʼ stipa pur guzulú gúʼndaneluʼ binni ca.

◼ Ra guiuʼnu beeu junio, ca neza binni ridagulisaa ca maʼ zanda guinábacaʼ Anuario de los testigos de Jehová 2013, Calendario de los testigos de Jehová 2013, folletu Guidúʼndanu Stiidxaʼ Dios guiráʼ dxi 2013 ne ca volúmen stiʼ La Atalaya ne ¡Despertad! 2012. Laguseendaʼ cani canábatu ca Betel pur Internet lu sitiu jw.org, peru cadi gúnitu ni despué de 31 stiʼ agosto 2012. Ne pa caquiiñetu ca guiʼchiʼ riʼ lu sti diidxaʼ ni riníʼcabe sti guidxi la? laaca zanda guinábatu ni fecha riʼ.

◼ Lu tobi de ca Guendaridagulisaa stiʼ Dxiiñaʼ Stinu zadúʼyanu videu ni láʼ Toda nuestra asociación de hermanos. Pa qué gápaluʼ ni la? nagueendaca gunabaʼ cani ra ridagulisaaluʼ.