Cani naquiiñeʼ gánnanu de dxiiñaʼ guca

Ca lugar ra runi tender Betel stiʼ Centroamérica maʼ guluu Dios ndaayaʼ laacaʼ né ti regalu nabé risaca: ca misioneru ni rucheeche diidxaʼ. Riéchedu gábidu laatu nápanu 146 misioneru ndaaniʼ ca guidxi riʼ: Costa Rica nuu 15, El Salvador nuu 2, Guatemala nuu 25, Honduras nuu 47, Méjicu nuu 16, Nicaragua nuu 19 ne Panamá nuu 22. Laacabe rusaanacabe cani riuuláʼdxicabe para gacanécabe guireeche diidxaʼ jma. Nabé rudiʼnu xquíxepeʼ Jiobá purtiʼ nápanu binni rucheeche ne ruluiʼcaʼ riuuláʼdxicaʼ gúnicaʼ ni casi biʼniʼ misioneru jma risaca ni huabani: Jesucristu (Juan 7:29).