CA TESORO ZEEDA LU BIBLIA | 2 CORINTIOS 4-6
«Qué rireʼnu gana»
Guxuíʼlunu nabeza chupa familia ndaaniʼ ti edificiu yooxhoʼ ne maʼ feu nuuni. Tobi de ca familia que maʼ qué guidxela xi guni, peru sti familia que nabé nayecheʼ nuu. ¿Xiñee yaʼ? Purtiʼ nanna maʼ cadi candaa zindeza ndaaniʼ ti yoo cubi ne guizáʼ galán.
Neca «juntu cacaalaʼdxiʼ creación ne juntu cayacaná ni dede yanna», peru laanu, cani cayuni servir Jiobá, nápanu ti esperanza ni racané laanu guni huantarnu (Ro 8:22, TNM). Guiráʼ yuubaʼ ni cayuniná laanu yanna ne ca yuubaʼ ni cayuni huantarnu dede maʼ xadxí, nánnanu ti ratu si nga ridídinu cani ne cadi naroʼbaʼ peʼ cani ora guchaaganu cani né ca ndaayaʼ ni qué ziuu dxi guirá ni zápanu lu guidxilayú cubi chigudii Dios laanu. Pa guiníʼ íquenu ca ndaayaʼ ni guedané Reinu stiʼ Dios la? zacané ni laanu chuʼnu nayecheʼ ne cadi guireʼnu gana.