Gusisácanu nácanu xhamigu Jehová

Laanu ca testigu stiʼ Jehová ni maʼ guyuunisa nápanu ti privilegiu naroʼbaʼ de gaca xhamígunu Jehová, Dios ni jma nandxóʼ. Laabe nga ribídxibe laanu pur xiiñibe, Jesús, ne rucaadiágabe ca oración stinu (Sl 34:15; Jn 6:44).

¿Ximodo zanda gápanu amistad ni napanenu Jehová? Cadi gúninu ca cosa malu ni biʼniʼ ca israelita. Cadi xadxí de biʼninécabe Jehová ti pactu bíʼnicabe ti yuzehuiiniʼ de oro para guni adorárcabe (Éx 32:7, 8; 1Co 10:7, 11, 14). Sti cosa ni zanda gacané laanu nga guinabadiidxanu laca laanu: «¿Xi runeʼ ora ruquiinde naa guneʼ xiixa ni cadi jneza? ¿Ñee rusihuinneʼ rusisacaʼ amistad ni napaniaʼ Jehová la?». Pa nadxiinu Jehová de guidubi ladxidoʼno qué zúninu xiixa ni qué riuuláʼdxibe (Sl 97:10).

DESPUÉ DE GÚʼYALUʼ VIDEU NI LÁʼ GÁPANU AMISTAD NI NAPANENU JEHOVÁ (COL 3:5), ZANDA GUICÁBILUʼ CA PREGUNTA RIʼ:

• ¿Xii nga codicia?

• ¿Xiñee caquiiñeʼ gucáʼnanu codicia ne cadi guni adorarnu bidóʼ?

• ¿Xiñee zanda guininu gucheené binni xheelaʼ laca lani nga guni adorar binni bidóʼ?

• ¿Xiñee risaca gudii ca hermanu ni napa xiixa responsabilidad ndaaniʼ congregación ni caquiiñeʼ xheelacaʼ?