MODO RÚNINU XHIIÑAʼ DIOS
Joven caʼ, laguiniʼné bixhózetu ne jñaatu
¿Xiñee naquiiñeʼ gábiluʼ bixhózeluʼ ne jñaaluʼ ni riníʼ íqueluʼ yaʼ? (Pr 23:26). Purtiʼ laacabe nga ná Jehová gápacabe ne gudiicabe conseju lii (Sl 127:3, 4). Pa qué gábiluʼ laacabe ni cazaacaluʼ, zaca nagana para laacabe gacanécabe lii. Ne qué zaziidiluʼ ximodo huadxiilúcabe ca guendanagana ni huayápacabe. Yanna, ¿ñee caquiiñeʼ gábiluʼ laacabe guiráʼ ni guizaacaluʼ la? Coʼ, pa cadi cucaachiluʼ xiixa cosa ni cadi jneza (Pr 3:32).
Biyubi ti hora para guiníʼneluʼ bixhózeluʼ ne jñaaluʼ. Pa zanda la? bicaa lu ti carta ra cusiéneluʼ laacabe xi cayuni sentirluʼ. Peru pa nuucabe guiniʼnécabe lii ne lii qué naluʼ yaʼ. Cadi guiaandaʼ lii racaláʼdxicabe gacanécabe lii ne cadi gúʼyaluʼ laacabe casi ti enemigu stiluʼ. Pa guiníʼneluʼ bixhózeluʼ ne jñaaluʼ, zabániluʼ galán yanna ne lu ca dxi ni zeeda ca (Pr 4:10-12).
DESPUÉ DE GÚʼYALUʼ VIDEU NI LÁʼ ORA NAHUIINILUʼ: XIMODO GUINÍʼNELUʼ BIXHÓZELUʼ NE JÑAALUʼ, ZANDA GUICÁBILUʼ CA PREGUNTA RIʼ:
¿Xi bizeeteʼ Esther ne Partik?
¿Xi zanda guiziidiluʼ de Jesús?
¿Ximodo rusihuinni bixhózeluʼ ne jñaaluʼ nadxiicaʼ lii?
Racalaʼdxiʼ bixhózeluʼ ne jñaaluʼ guibániluʼ galán.
¿Xi conseju zeeda lu Biblia zacané lii para ganda guiníʼneluʼ bixhózeluʼ ne jñaaluʼ?