1-7 DE ABRIL
SALMOS 23-25
Canción 4 ne oración | Ca diidxaʼ guzuluné ni (1 min.)
1. «Jehová nga Pastor stinneʼ»
(10 min.)
Rabi Jehová laanu xi gúninu (Sl 23:1-3; w11-S 1/5 yaza 31 párr. 3).
Rapa Jehová laanu (Sl 23:4; w11-S 1/5 yaza 31 párr. 4).
Rusiidiʼ Jehová laanu (Sl 23:5; w11-S 1/5 yaza 31 párr. 5).
Ca pastor chaʼhuiʼ la? rápacaʼ ca dendxuʼ sticaʼ. Zaqueca nga Jehová, rapa ca xpinni.
GUNÍʼ IQUE NDIʼ: «¿Ximodo rapa Jehová naa?».
2. Guyúbinu ca perla ni gaʼchiʼ
(10 min.)
Sl 23:3. ¿Xi zacané laanu gúninu ni jneza? (w11 15/2 yaza 24 párr. 3).
¿Xi perla espiritual bidxélaluʼ biaʼ ra biuundaʼ Biblia semana riʼ?
3. Ra guiuundaʼ Biblia
(4 min.) Lu 14:1-14 (th lección 5).
4. Bizulú guniʼné binni
(3 min.) PREDICACIÓN INFORMAL. Biindané ti binni ni nuu xizaa pur contaminación nuu lu Guidxilayú riʼ ti textu ni cuʼ gana laa (lmd lección 2 punto 5).
5. Biʼniʼ revisita
(4 min.) DE YOO PUR YOO. Biluíʼ ti binni ni gucuaa folletu ¡Zanda guibániluʼ nayecheʼ! modo ridúʼndanenu binni Biblia (lmd lección 9 punto 3).
6. Biʼniʼ discípulo
(5 min.) lff lección 14 punto 4 (lmd lección 11 punto 3).
Canción 54
7. Cadi gucaadiáganu stidxi ca ni qué runibiaʼnu
(15 min.) Zanda guicabi ca ni cucaadiaga.
Ca dendxuʼ ca la? rinándacaʼ pastor sticaʼ ora runadiágacaʼ stídxibe. Peru ora runadiágacame stidxi tuuxa ni qué runibiáʼcame la? ruxooñecame de laa (Jn 10:5). Zaqueca nga laanu, runadiáganu stidxi Jehová ne Jesús, nácacabe Pastor ni nadxii laanu ne caquiiñeʼ gápanu confianza laacabe (Sl 23:1; Jn 10:11). Peru qué runadiáganu stidxi ca ni qué runibiaʼnu, ca ni racalaʼdxiʼ quiteʼ laanu para guirá fe stinu (2Pe 2:1, 3).
Lu Génesis capítulo 3 riete primé biaje binadiágacabe lu Guidxilayú riʼ guníʼ tuuxa ni qué runibiáʼcabe voz stiʼ. Guca ni dxi biquiiñeʼ Binidxabaʼ ti beendaʼ para guniʼné Eva, ne guníʼ casi ñaca xhamigu laabe. Bichaabe ni guníʼ Jehová ne guniʼbe cadi jneza ni cayuni. Triste guininu ni, peru bicaadiaga Eva laabe. Ne pur nga, laabe ne familia stibe, nabé gucanácabe.
Ca dxi riʼ racalaʼdxiʼ Binidxabaʼ guiníʼ íquenu cadi jneza ni runi Jehová ne organización stiʼ. Para nga riquiiñebe noticia ra caníʼ binni mal de ca testigu stiʼ Jehová, rusiguiicabe ne ruzáʼcabe cosa ni cadi dxandíʼ de laanu. ¿Xi naquiiñeʼ gúninu pa gunadiáganu caníʼ binni zacá yaʼ? ¡Guireʼnu de racá! Pa guiaananu para gucaʼdiáganu neca ti ratuhuiiniʼ si la? zanda gusábacabe laanu. ¿Panda diidxaʼ guníʼ Binidxabaʼ para bicaa Eva guchee yaʼ? Chupa chonna si (Gé 3:1, 4, 5). Peru ¿xi zanda gúninu pa ti binni ni runibiaʼnu, ni nadxiinu ne ni ná racalaʼdxiʼ gacané laanu guiníʼ cosa ni cadi dxandíʼ de organización stiʼ Jehová yaʼ?
Bitiidiʼ VIDEU ni láʼ Cadi gucaadiáganu stidxi ca ni qué runibiaʼnu. Despué gunabadiidxaʼ ca ni cucaadiaga:
¿Xi rusiidiʼ ni biʼniʼ Coral laanu ora gucalaʼdxiʼ jñaabe, ni cadi naca Testigu, nuluíʼ laabe información ra caníʼcabe mal de organización stiʼ Jehová?
8. Reunión ra riuundaʼ Biblia
(30 min.) bt cap. 8 párr. 1-4 ne ca cuadru ni zeeda lu yaza 61, 62.