29 DE ABRIL HASTA 5 DE MAYO
SALMOS 34, 35
Canción 10 ne oración | Ca diidxaʼ guzuluné ni (1 min.)
1. «Zusisacaʼ Jehová guiráʼ ora»
(10 min.)
Bisisaca David Jehová dede né ora gudiʼdiʼ lu guendanagana nabé naroʼbaʼ (Sl 34:1; w07 1/3 yaza 22 párr. 11).
Jma bisisaca David Jehová ne qué nusisaca laca laa (Sl 34:2-4; w07 1/3 yaza 22 párr. 13).
Ra bisisaca David Jehová, gucanebe ca compañeru stibe gaca fe sticaʼ jma naguidxi (Sl 34:5; w07 1/3 yaza 23 párr. 15).
Despué de bilá Jehová David de lu náʼ Akís, ni laaca láʼ Abimélec, bieeguʼ tapa gayuaa enemigu stiʼ Saúl David lu desiertu (1Sa 22:1, 2). Zándaca de laacabe nga caníʼ ique David ora bicaa salmo riʼ (Sl 34, encabezamiento).
GUNÍʼ IQUE NDIʼ: «Ora maʼ canieniaʼ tuuxa lu sti reunión ni gápadu, ¿xi zanda guinieeʼ para gusisacaʼ Jehová?».
2. Guyúbinu ca perla ni gaʼchiʼ
(10 min.)
Sl 35:19. ¿Xi gucalaʼdxiʼ David niníʼ ora gudxi Jehová cadi gudii lugar quiñelú ca enemigu stiʼ? (w06-S 15/5 yaza 20 párr. 2).
¿Xi perla espiritual bidxélaluʼ biaʼ ra biuundaʼ Biblia semana riʼ?
3. Ra guiuundaʼ Biblia
(4 min.) Lu 23:1-16 (th lección 5).
4. Bizulú guniʼné binni
(2 min.) PREDICACIÓN INFORMAL. Biluxe guníʼneluʼ binni ca ne maʼ qué ñanda niníʼneluʼ laa de lu Biblia (lmd lección 1 punto 4).
5. Biʼniʼ revisita
(4 min.) PREDICACIÓN INFORMAL. (lmd lección 2 punto 4).
6. Bisiene ni runi creluʼ
(5 min.) Demostración. ijwfq 59. Tema: ¿Xi racané ca testigu stiʼ Jehová para gánnacaʼ pa zúnicaʼ xiixa saa? (th lección 17).
Canción 59
7. Chonna modo zanda gusisácanu Jehová lu ca reunión stinu
(15 min.) Zanda guicabi ca ni cucaadiaga.
Zanda gusisácanu Jehová de gadxé gadxé modo lu ca reunión ni rápanu. Guidúʼyanu chonna modo zanda gúninu ni.
Ora güinu diidxaʼ: Ora guiníʼnenu xcaadxi, gábinu laaca pabiáʼ nachaʼhuiʼ Jehová (Sl 145:1, 7). ¿Binadiaganu o bidúʼndanu xiixa ni gucané laanu la? ¿Ñee gúpanu ti experiencia galán lu predicación la? ¿Ñee guluu tuuxa gana laanu pur ni guníʼ o pur ni biʼniʼ la? ¿Ñee bidxagayaanu pur xiixa ni bizáʼ Dios? Naca guiráʼ ca cosa riʼ regalu stiʼ Jehová (Snt 1:17). Pa chindanu ante guzulú reunión la? zanda guininu de ca ni bizéʼtenu riʼ.
Ora guni comentarnu: Galán gúninu stipa gudiʼnu ti comentariu lu cada reunión (Sl 26:12). Zanda gudiʼnu ti comentariu nachucu o gusiénenu xiixa idea secundariu, gusiénenu ti textu, ti imagen o guzéʼtenu ximodo racané ni cadúʼndanu laanu. Galán guni prepararnu chupa chonna comentariu purtiʼ zándaca guidisanáʼ xcaadxi ora guindisananu. Cadi guiaandaʼ laanu pa guindaa ca comentariu stinu 30 segundu o menu la? jma stale hermanu zanda gusisácacaʼ Dios, casi ñaca nudiicaʼ ti sacrificiu (Heb 13:15).
Ora guidúʼdanu: Né stale gana guidúʼndanu ca canción stiʼ Reinu (Sl 147:1). Zándaca qué gudiicabe laanu ti comentariu ra reunión, jmaruʼ si pa naroʼbaʼ congregación ra riuunu. Peru zanda guni participarnu lúcani ra guidúʼndanu ca canción ca. Neca guiníʼ íquenu cadi galán ridúʼndanu, ziechené Jehová laanu pa gúninu stipa guidúʼdanu (2Co 8:12). Peru galán guni ensayarnu ra lídxinu.
Bitiidiʼ VIDEU ni láʼ Ni guca dxiqué ne ni cayaca yanna: Canción para gusisácanu Jehová (primé ndaa). Despué gunabadiidxaʼ ca ni cucaadiaga:
Dede dxi bizulú organización stinu riʼ, ¿ximodo rusihuínninu risaca para laanu iquíʼñenu canción para gusisácanu Jehová?