Biyubi guiziidiluʼ xiixa cosa nacubi ora guni estudiarluʼ

Ora maʼ cayuʼnu listu para guni estudiarnu, galán guiníʼ íquenu pregunta riʼ: «¿Xi racalaʼdxeʼ guiziideʼ?». Peru neca racaláʼdxinu guizíʼdinu xiixa ni maca cabézanu guizíʼdinu la? cadi caníʼ diʼ nga qué zanda guizíʼdinu xiixa nacubi ni racalaʼdxiʼ Jehová gusiidiʼ laanu. Yanna, ¿xi zanda gúninu para guizíʼdinu xiixa cosa nacubi ora maʼ cayuni estudiarnu yaʼ?

Gunabaʼ Jehová gudii lii guendabiaaniʼ o sabiduría. Cadi guiníʼ íqueluʼ maʼ cadi caquiiñeʼ guiziidiluʼ jma (Prov. 3:​5, 6). Gunabaʼ Jehová gacané lii gánnaluʼ xi racaláʼdxibe guiziidiluʼ biaje riʼ (Sant. 1:5).

Bidii lugar gacané Stiidxaʼ Dios lii lu xquendanabániluʼ. «Nabani stiidxaʼ Dios ne napa poder» (Heb. 4:12). Pa cada biaje guidúʼndanu Biblia, guiníʼ íquenu caquiiñeʼ guizíʼdinu ni racalaʼdxiʼ Jehová gusiidiʼ laanu la? zanda guizíʼdinu xiixa cosa nacubi ne gacaneni laanu de gadxé gadxé modo lu xquendanabáninu.

Gudiʼnu xquixe peʼ Jehová pur guiráʼ ni rusiidiʼ laanu. Zeeda gaca guiráʼ guendaró espiritual ni rudii Jehová laanu casi «ti guendaró nanixe» (Is. 25:6). Cadi guiníʼ íqueluʼ qué zoloʼ xiixa «guendaró» ni rábiluʼ qué ziuuláʼdxiluʼ. Qué zacané si guendaró ca lii, sínuque guizáʼ ziuuláʼdxiluʼ ni.