Ñee rucheeche ca testigu stiʼ Jehová diidxaʼ casi runi misioneru la?

Rúnidu ni. Laadu, ca testigu stiʼ Jehová, ra tiica nabézadu rúnidu stipa gúnidu casi runi ti misioneru ne ruínedu tutiica binni cani zeeda lu Biblia (Mateo 28:19, 20).

Nuu chupa chonna Testigu rigucheechecaʼ diidxaʼ ca lugar ni nuu ndaaniʼ xquídxicaʼ ra qué huayunadiaga binni ca diidxaʼ sicarú zeeda lu Stiidxaʼ Dios ne dede nuu tiru ribiʼcaʼ raqué. Xcaadxi riguixhe ique chibiʼ sti guidxi. Guirácabe riéchecabe gacanécabe gaca ni na profecía guníʼ Jesús riʼ: «[Z]üi tu stiidxa [...] idubi naca guidxilayú» (Hechos 1:8).

Lu iza 1943, biasastí ti scuela para gusiidiʼ chaahuidu caadxi de ca misioneru stidu, laani nga: Scuela stiʼ Galaad stiʼ Watchtower. Dede dxi bizulú scuela riʼ, maʼ guyé jma de xhono mil Testigu ni.