Heather Broccard-Bell/iStock via Getty Images
¿ÑEE NUU TU BIZÁʼ NI LA? O STUBI NI GUYÁʼ NI
Bichuga ladi escarabajo diabólico acorazado
Manichuga ni láʼ escarabajo diabólico acorazado (Phloeodes diabolicus) rihuínnime ladu oeste stiʼ Norteamérica. Caadxi investigador naca’, zanda guni huantar manihuinniʼ riʼ ti pesu jma nanaa que laa. Dede zanda tidiʼ ti carru luguiame ne qué racaname. ¿Ximodo ndiʼ yaʼ?
Ora riegu bichuga ládime racaneni para cadi gacaná xcuérpume. Nuu biaje cadi tan naguidxi rácani ti ganda guiniibi ca dxita ládime. Ne laaca rácani naguudxi ti ganda guiniibime jma nagueenda. Nga racané laame chuʼme lade ñee yaga o gucachilume xaʼnaʼ ca guié.
Galaa de bichuga ládime nuu ti línea ni racané iguiidi’ xcaadxi ndaa de bichuga ládime, casi riguiidi’ ca pieza sti’ ti rompecabeza. Nga racané para cadi gacaná xcuérpume ora ga’ni’ xiixa nanaa luguiame. Ne ca ndaa de ca bichuga ládime nápacani pegamentu de proteína ni racané para iguiidi’ dxiichiʼ cani. Ne ora tidi’ xiixa nanaa luguiame ricá bi bichuga ládime peru qué riluuza cani. Ne ra tidi’ tiempu ribigueta riguiidi’ dxiichiʼ cani sti biaje.
Riguiidi’ ca ndaa de bichuga ládime casi riguiidi’ ca pieza sti’ ti rompecabeza.
Ca flecha naxiñá’ ri’ culuiʼni ra riguiidi’ bichuga ladi manichuga ri’ ni nuu xaguete né ni nuu luguiá’. Flecha gris ca culuiʼni línea nuu galaa décheme ra riguiidi’ sti ndaa de bichuga ládime.
Ca binni ni runi investigar de bichuga ladi manichuga ri’, racaláʼdxicaʼ guzaʼcaʼ carru, puente ne edificiu naguidxi ni guni huantar intiica ni nanaa cásica bichuga ladi mani’ ri’.
¿Xi rábiluʼ yaʼ? ¿Ñee beeda gaca bichuga ladi escarabajo diabólico acorazado pur evolución la? o guyuu tu bizáʼ ni?