Biyubi gánnaluʼ ni dxandíʼ
Ni rizaaca
Stale biaje rapa binni prejuiciu purtiʼ runi cré xiixa ni cadi dxandíʼ. Casi ca ni zeeda raríʼ:
Nuu caadxi jefe riníʼ ique qué zanda guni ca gunaa dxiiñaʼ nadipaʼ o nagana.
Lu Edad Media, guníʼcabe bisaba ca judíu de Europa venenu ndaaniʼ bizé ne pur laacaʼ biasa ti epidemia. Ne tiempu nuu ca nazi, laaca guníʼcabe cosa ni cadi dxandíʼ de ca judíu ne guníʼcabe laacaʼ nápacaʼ donda pur bixiéʼ bueltu ndaaniʼ guidxi Alemania. Ne pur nga, nabé biʼniʼ juzgárcabe ca judíu ne dede yanna nuu tu runi ni.
Stale binni riníʼ ique triste nabani tuuxa ni napa xiixa discapacidad ne nisi maʼ cadxiichi.
Ca binni ni runi cré ni bizéʼtenu riʼ nacaʼ jneza modo riníʼ íquecaʼ, ne pa qué riníʼ ique tuuxa casi laacaʼ la? riniʼcaʼ qué ganna ca binni riʼ gastiʼ.
Conseju zeeda lu Biblia
«Cadi galán diʼ nga ora huaxiéʼ nanna binni» (PROVERBIOS 19:2).
¿Xi riníʼ ni? Pa qué gánnanu ni dxandíʼ la? zucheʼnu. Pa guni crenu ni gábicabe laanu ne cadi ni guidúʼyanu, zuni juzgarnu xcaadxi mal.
Ximodo racané gánnaluʼ ni dxandíʼ
Ora runibiáʼ chaahuinu ti binni, qué runi crenu ora riníʼcabe cosa ni cadi dxandíʼ de laa. Ne ora rudiʼnu cuenta cadi dxandíʼ guiráʼ cosa malu ni gúdxicabe laanu de ti grupu de binni, maʼ cadi casi ziuunu zuni crenu ni guiníʼcabe de xcaadxi grupu.
Ni zanda gúniluʼ
Cadi guiniʼluʼ zacá guiráʼ binni. Neca feu modo tuuxa ni nuu lade ti grupu de binni, cadi guirádicabe zacá laacabe.
Gunna qué runibiáʼ chaahuiluʼ xcaadxi binni.
Biyubi información ni dxandíʼ para gánnaluʼ xcaadxi cosa.