Ni zacané laanu guibáninu nayecheʼ
«Guizáʼ riuaaʼ triste ora ruuyaʼ guiráʼ cosa malu cayaca ndaaniʼ Guidxilayú riʼ, casi guerra, guendapobre, guendahuará ne modo runinácabe ca baʼduhuiiniʼ ca. Peru yanna huaxa maʼ napaʼ ti esperanza galán» (RANI).a
Guyuu Rani nayecheʼ ora gunáʼ rudii Dios ni jma napa poder guendanuuxpiaaniʼ binni. Ra guidúʼndanu revista riʼ ziénenu ximodo zanda gacanebe laanu:
Gápanu ti familia nayecheʼ
Cadi tindenenu binni.
Chuʼnu nayecheʼ ne biaʼ nápanu.
Guiénenu xiñee runi sufrirnu ne rátinu.
Gápanu ti esperanza lu xquendanabáninu.
Gunibiaʼnu Dios ni bizáʼ laanu ne chuunu gaxha de laa.
Laaca zudii Dios guendanuuxpiaaniʼ guiráʼ xixé binni ni guyubi ni.
a Bidxaa lácabe.