Tuu nga Jesucristu
«Dede binni ni cadi zinanda Cristu runi cré de que Laabe gúcabe tobi ni jma nuu xpiaaniʼ ne ti maestru ni nanna stale. Ne zacá nga nánnanu de que laabe gúcabe tobi de ca binni ni jma risaca ni huayuu lu Guidxilayú riʼ.» (The World Book Encyclopedia.) Tu laabe yaʼ. Jesucristu, ni gudixhestí relijión stiʼ ca cristianu. Nannuʼ tu laabe la? Zanda gacanebe lii lu guendanabani stiluʼ la?
Guiráʼ cani bizaacaʼ dxi guzá Jesús la? cá cani lu tapa libru ni zeedaʼ lu Biblia ni caniʼcaʼ ni dxandíʼ guca, láʼ cani Ebanjeliu. Dede pabiáʼ ndiʼ dxandíʼ cani yaʼ. Will Durant ti hombre ni bicaa historia, biluxe biindasibe cani la? bicaabe: «Jesús napa ti guenda ni nabé ribidxi binni, cani rusiidibe guizáʼ sicarú cani ne racané cani chuʼ binni galán ne xcaadxi. Qué zanda diʼ chupa chonna si hombre casi laanu gucaacabe historia stiʼ Jesús caadxi dxi si. Nga la? ñácani ti milagru ni jma nidxagayaa binni que cani cá lu ca Ebanjeliu ca».
Neca zacá la? stale binni ni nuu chericaʼ nisadóʼ neza ra rindani Gubidxa ne de xcaadxi guidxi, qué runibiáʼdicabe Jesucristu. Zándaca guiníʼ íquecabe de que guyuube, peru qué gánnacabe pa zanda gacanebe laacaʼ lu guendanabani sticaʼ. Stuudxi qué nacaʼ gánnacaʼ de laabe pur ni runi cani na zinanda laabe. Ñándaca niníʼ caadxi binni de Japón sicaríʼ: «Bilaacabe ti bomba guidxi Nagasaki, guidxi ni jma napa binni zinanda Cristu que xcaadxi guidxi stiʼ Japón».
Yanna pue, ñee nugaaniluʼ donda ti doctor pa ti binni huará qué guianda pur qué guni ni gúdxibe laa la? Coʼ xa. Cani na zinanda Jesús qué huayunidíʼcabe cani bisiidibe para gudxiilucabe ca guendanagana ni rápacabe guiráʼ dxi. Nga runi cadi gucaanádinu Jesús pur ca binni ni na zinanda laabe ne cadi cayúnicaʼ ni nabe. Xiñee qué guiziiduʼ caadxi de laabe yaʼ. Biindaʼ Biblia para gannuʼ tupeʼ nga Jesús ne ximodo dede zuchaabe guendanabani stiluʼ.
Guendarannaxhii: nga nga ni bisiidiʼ Jesús
Jesucristu guca ti maestru ni nabé nanna ni bibani Palestina maʼ raca biaʼ chupa mil iza, ne qué rieetepeʼ dxi gúcabe nahuiiniʼ (Mateo, cap. 1, 2; Lucas, cap. 1, 2). Ora bisaabe 30 iza la? bizulú bisiidibe «binni xii nga ni dxandíʼ» (Juan 18:37; Lucas 3:21-23). Guidapaʼ hombre ni bicaa modo bibani Jesús la? jma nga bicaacabe de dxiiñaʼ ni bíʼnibe lu ca últimu xhonna iza arondaʼ dxi guyuube lu Guidxilayú riʼ.
Ca dxi bíʼnibe xhiiñabe la? gúdxibe cani guzánebe xipeʼ naquiiñeʼ gúnicaʼ ti ganda guidxagalucaʼ ca guendanagana ni rapa binni lu xquendanabani. Xi laani yaʼ. Guendarannaxhii. Lu tobi de ca libana ni jma runibiáʼcabe ni láʼ Libana de lu Dani ca la? Jesús bisiidibe cani guzánebe ganaxhiicaʼ binni. Nabe: «Nga runi, irá ni racalaʼdxi tu guni binni laatu la? ngue ca laguni laacaʼ» (Mateo 7:12). Conseju guniʼbe riʼ runibiáʼcabe casi Regla de Oro. Lade «ca hombre» ni caniʼne Jesús que laaca nuu ca xhenemígube. Lu libana que laaca guniʼbe: «Laganaxhii cani nanalaʼdxi laatu [...], ne lainaba lu Dios pur cani riladxi laatu» (Mateo 5:44). Ñee cadi nuchiá guendarannaxhii ca stale de ca guendanagana ni cadxagalú binni yanna riʼ la? Ti maestru indú láʼ Mohandas Gandhi guníʼ ique zacaca. Nabe: «Ora [...] gúni[nu] cani bisiidiʼ Cristu lu Libana de lu Dani que la? zuchianu [...] ca guendanagana [...] stiʼ guiráʼ binni». Pa binni guni cani bisiidiʼ Jesús de guendarannaxhii ca la? zanda guiree guiráʼ guendanagana ni napa binni.
Bisihuínnibe guendarannaxhii
Jesús biʼniʼ ni bisiidiʼ. Jma nga guníʼ íquebe ni caquiiñeʼ binni que ni caquiiñebe ne bisihuínnibe guendarannaxhii lu cani bíʼnibe. Ti dxi, laabe ne ca disípulo stibe gucanécabe stale binni dede qué ñanda nibeecabe tiempu para ñócabe. Jesús biiyabe de que ca disípulo stibe caquiiñeʼ guiziiláʼdxicaʼ caadxi, ngue runi bireebe zinebe laacaʼ ra gastiʼ binni. Peru guiráʼ binni que guzanírucaʼ ne gulézacaʼ laacabe raqué. Xi ñuʼnuʼ pa nizaacaluʼ zacá yaʼ. Jesús «bia ca binni que» ne «bizulú bisiidi laacabe stale cosa» (Marcos 6:30-34). Gucanebe ca binni que purtiʼ biabe laacaʼ stálepeʼ.
Jesús cadi bisiidiʼ si binni stiidxaʼ Dios. Laaca gucanebe laacaʼ. Casi ti dxi bidiibe ni gudó 5.000 hombre, aparte gunaa ne baʼduhuiiniʼ ni bicaadiaga laabe dede maʼ huadxí. Sti dxi la? bidiibe ni gudó 4.000 binni. Primé que la? biquiiñebe gaayuʼ pan ne chupa benda, ne últimu que la? biquiiñebe gadxe pan ne chupa chonna si bendahuiiniʼ (Mateo 14:14-21; 15:32-38; Marcos 6:35-44; 8:1-9). Dxandíʼ milagru cani la? Dxandíʼ, Jesús biʼniʼ milagru.
Laaca bisiándabe stale binni huará. Bisiándabe ni qué ruuyaʼ, ni qué rizá, ni napa lepra, ne ni qué runadiaga, laaca gundísabe gueʼtuʼ (Lucas 7:22; Juan 11:30-45). Ti dxi, ti hombre ni huará de lepra gunábabe Jesús: «Pa na lu la? zanda usianda lu naa». Ximodo bicabi Jesús laabe yaʼ. «Udixhe ná be luguiáʼ ne rabi be laa: —Zusianda lii ne zia ladi luʼ.» (Marcos 1:40, 41.) Bíʼnibe guiráʼ nga purtiʼ nabé riuláʼdxibe gacanebe binni. Ra bíʼnibe ca milagru ca la? biluiʼbe nadxiibe cani cayacaná.
Nagana guni crenu cani la? Pue Jesús biʼniʼ stale de ca milagru stiʼ nezalú stale binni. Dede cani rucaalú laabe ne riniʼcaʼ laabe ora tiica, qué ñanda niníʼcabe cadi dxandíʼ ca milagru bíʼnibe que (Juan 9:1-34). Ne nuu xi pur guca ca milagru ca. Gucané cani binni ganna de que laabe nga ni biseenda Dios (Juan 6:14).
Caadxi ni maʼ bidúʼndanu de cani bisiidibe ne modo bibánibe ca la? rucaa cani laanu ganaxhiinu laabe ne ganaxhiinu binni casi bíʼnibe. Peru, cadi zacasi diʼ nga zanda gacanebe lii lu guendanabani stiluʼ. Laabe cadi gúcasibe ti maestru ni nanna stale ni bisiidiʼ xii nga guendarannaxhii. Laaca guniʼbe de que maca bibánibe guibáʼ casi baʼduʼ primé stiʼ Dios ante gueedabe lu Guidxilayú riʼ (Juan 1:14; 3:16; 8:58; 17:5; 1 Juan 4:9). Ne nabánirube guibáʼ zésibe de lu Guidxilayú riʼ, ne pur nga runi jma risácabe para lii. Biblia rusiidiʼ de que maʼ biásabe lade ca gueʼtuʼ ca ne maʼ zúbabe casi Rey stiʼ Reinu stiʼ Dios (Apocalipsis 11:15). Jesús guníʼ: «Ne zacaa cabe enda nabani ca ra gunibiáʼ cabe lii ne ra gunibiáʼ cabe Jesucristu ni biseenda luʼ. Lii nga tobi lucha Dios ni dxandíʼ» (Juan 17:3; 20:31). Nga runi, ra guiziidiluʼ de Jesucristu la? zanda guicaalu ti guendanabani ni qué zaluxe ndaaniʼ ti Paraisu. Ximodo zanda guicaaluʼ ni yaʼ. Xiñee qué guiziidiluʼ jma de laabe para guʼyuʼ ximodo guendarannaxhii stiʼ Cristu zucaa ni lii ganaxhiiluʼ binni casi bíʼnibe yaʼ. (2 Corintios 5:14.) Ca testigu stiʼ Jiobá ziéchecaʼ stale gacanecaʼ lii (Juan 13:34, 35).