Gudiʼnu xquíxepeʼ Jiobá

1. Dios ni nandxóʼ ne ni biʼniʼ de iráʼ,

né diidxaʼ riuundaʼ naróʼ stiuʼ zaguaaʼ.

Lii si nga ni rucaadiaga de iráʼ

ni runi orar lii dede ladxidóʼ.

Neca nabé rucheeniáʼ lii Jiobá,

cadi pur nga rudxiidécheluʼ naa.

Xiiñuʼ Jesús beeda gati pur naa;

zacá nga gunda guziúʼ naa Jiobá.

2. ¡Nabé nayecheʼ nga runeʼ sentir,

purtiʼ nadxiiluʼ ca xpínniluʼ Dios!

Bisá naa lu neza stiluʼ Señor,

bisiidiʼ naa Dios ti qué ucheeniáʼ lii.

Guirútiruʼ jma nandxóʼ que lii Dios,

racaneuʼ ca xpinnuʼ ni nuu naná.

Reinu stiuʼ zuni mandar guiráʼ dxi,

zaca ni naluʼ lu Guidxilayú.

3. De iráʼ xixé binni nuaaʼ guinieniáʼ;

ca dxi maʼ guni mandar Reinu stiuʼ:

guirutiʼ zati, qué ziuu ni naxoo,

guiráʼ nga ndaayaʼ ni maʼ gaxha nuu.

Xiiñuʼ zabee guiráʼ yuubaʼ Señor

ne guiráʼ xpínniluʼ ziecheʼ Jiobá.

Runeʼ orar para udieeʼ xquixe lii

Bixhozeʼ, Rey ne Dios stinneʼ nga lii.