Xi bizaaca pur bicaadiágacabe Binidxabaʼ

Guti Adán ne Eva purtiʼ qué nuzuubacaʼ stiidxaʼ Dios (Génesis 3:6, 23)

Eva biʼniʼ ni gudxi beendaʼ que laa ne gudó cuananaxhi stiʼ yaga ni guníʼ Dios cadi gocaʼ. Despué bidiibe cuananaxhi que Adán, ne laaca gudó ni.

Cadi jneza ni biʼniʼ Adán ne Eva purtiʼ bicheenecaʼ Dios. Ngue runi guleebe laacaʼ de ndaaniʼ jardín que.

Laacabe ne ca xiiñicabe gúpacabe stale yuubaʼ. Despué bioʼxhoʼ Adán ne Eva ne gúticaʼ. Qué ñécabe guibáʼ ne qué ñécabe sti ladu, sínuque maʼ qué nibanirúcabe.

Ora maʼ guti binni reeda gaca yú ne maʼ gastiʼ zanda guni (Génesis 3:19)

Guiráʼ xixenu zanu de Adán ne Eva. Nga runi laaca rátinu. Ca binni ni maʼ guti qué ruuyacaʼ, qué runadiágacaʼ ne qué randa rúnicaʼ gastiʼ, purtiʼ casi ñaca nisiaasicaʼ (Juan 11:11-14).

Qué ñacalaʼdxiʼ Jiobá ñati binni. Nga runi maʼ qué zandaa zusibánibe ca binni ni maʼ guti. Ne pa guzuubacabe stiidxabe la? maʼ qué ziuu dxí gáticabe.