Xi zacané binnilídxiluʼ guibani nayecheʼ
Ñee rábiluʼ...
... gannaxhiisaatu la?
... gápatu bidxichi la?
... nuu sti cosa la?
XINÁ BIBLIA
«Jma dichoso cani ucaa diaga stiidxa Dios ne guni ni na ni.» (Lucas 11:28, Stiidxa Dios Didxazá.)
XIMODO ZACANÉ NGA LAANU
Dxandipeʼ zannaxhiisaanu (Efesios 5:28, 29).
Zapasaanu respetu (Efesios 5:33).
Ziuʼnu tobi si (Marcos 10:6-9).
ÑEE ZANDA GUNI CRENU NI NA BIBLIA LA?
Zanda pue, nuu chupa razón:
Dios gudixhestí familia. Biblia na de Dios nga «za irá xixé [...] cani nuu ndaani guidxilayú» (Efesios 3:14, 15). Nga runi, zanda guininu Jiobá nga gudixhe chuʼ familia. Xiñee galán gánnanu ni yaʼ.
Guníʼ ique cayoloʼ ti guendaró nanixe ne rápaluʼ gana gánnaluʼ xi guiráʼ zineni, tu ninabadiidxaluʼ yaʼ. Cadi dxandíʼ binni ni biʼniʼ guendaró ca la?
Nga runi, pa racaláʼdxinu guibaninenu binnilídxinu nayecheʼ, galán guinábanu Jiobá gacané laanu, purtiʼ laa gudixhestí familia (Génesis 2:18-24).
Dios rizaalaʼdxiʼ laanu. Galán chinanda binnilídxinu ca conseju ni zeeda lu Stiidxaʼ Dios, «purti laabe cayapa be» laanu (1 Pedro 5:6, 7). Jiobá racalaʼdxiʼ gacané laanu, ne dxandipeʼ racané ca conseju stibe ca binni chinanda cani (Proverbios 3:5, 6; Isaías 48:17, 18).
GUNÍʼ IQUE
Ximodo naquiiñeʼ gacaʼ né xheelaʼ ne ca xiiñeʼ.
Biblia cacabi ni gunabadiidxanu ca lu EFESIOS 5:1, 2 ne COLOSENSES 3:18-21.