BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • lfb lección 31 yaza 78
  • Josué ne ca gabaonita

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • Josué ne ca gabaonita
  • Ca lección ni riziideʼ de lu Biblia
  • Laaca zanda gúʼndaluʼ
  • Ca gabaonita nuu xpiaaniʼ
    Libru stinneʼ de ca historia stiʼ Biblia
  • Gubidxa que bizuhuaadxí
    Libru stinneʼ de ca historia stiʼ Biblia
Ca lección ni riziideʼ de lu Biblia
lfb lección 31 yaza 78
Nacu ca gabaonita lari yuxe, zidxíñacaʼ ra nuu Josué ne ejércitu stiʼ

LECCIÓN 31

Josué ne ca gabaonita

Ora binadiaga ca binni de Canaán ni bizaaca Jericó. Ca rey stiʼ ca guidxi riʼ bidaagucaʼ para tíndenecaʼ ca israelita. Peru ca binni de Gabaón guníʼ íquecaʼ gúnicaʼ ti cosa. Gúcucaʼ lari yuxe, guyecaʼ ra nuu Josué ne gúdxicabe laa: «Ziúpadu de ti guidxi zitu. Maʼ binadiágadu de guiráʼ cosa ni maʼ biʼniʼ Jiobá pur laatu dxi nuutu Egipto ne Moab. Pa guni prometertu qué zucaalutu laadu, zácadu esclavu stitu».

Biʼniʼ cré Josué laacabe ne biʼniʼ prometer qué zucaalú laacabe. Chonna gubidxa despué, bidii Josué cuenta cadi dxandíʼ de zitu zeedacabe sínuque de Canaán laacabe. Ngue runi gunabadiidxaʼ Josué laacabe: «¿Xiñee bisiguiitu laadu pue?». Óraque bicábicabe: «Purtiʼ bidxíbidu. Nánnadu ridinde Jiobá pur laatu. Nga runi, rinábadu laatu cadi guutitu laadu». Biʼniʼ cumplir Josué promesa ni biʼniʼ ne qué ñuni laacabe gastiʼ.

Qué nindaa, bicaalú gaayuʼ rey de Canaán ne ejércitu sticaʼ ca gabaonita. Guzá Josué ne ejércitu stiʼ guidubi ti gueelaʼ para gulá ca gabaonita. Sti dxi que, tempranu bizulú gudíndecabe. Ora biʼyaʼ ca cananeu que laacabe bizulú bixooñecaʼ, peru bisaba Jiobá granizu naroʼbaʼ íquecaʼ. Óraque, gunabaʼ Josué Jiobá guzuhuaadxí Gubidxa. Qué huayuu dxi gaca ndiʼ. Yanna, ¿xiñee gunabaʼ Josué ndiʼ yaʼ? Purtiʼ gúpabe stale confianza Jiobá. Ngue runi qué ñaaziʼ Gubidxa. Ne qué nicahui dxi que dede ora biʼniʼ ganar ca israelita ca rey stiʼ Canaán ne ejércitu sticaʼ.

Cayuuyadxí Josué guibáʼ ne canábabe Jiobá guzuhuaadxí Gubidxa

«Ora riníʼ tu la? lainíʼ “ya” pa huandí zuni tu ni, o pa qué zuni tu ni la? lainíʼ “coʼ”, peru cadi usiguii tu ne cadi cuʼ ru tu jma juramentu lú ni, purti cadi de Dios zeeda irá nga» (Mateo 5:37).

Pregunta: ¿Xi biʼniʼ ca gabaonita para cadi gácacaʼ gastiʼ? ¿Ximodo gucané Jiobá ca israelita?

Josué 9:1-10:15.

    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir