Ra ruzulú sección 10

Jiobá nga Rey stiʼ guiráʼ ni nuu. Maʼ biluiʼbe zanda gucueezabe ne gúnibe stale cosa ne qué zusaana de gúnibe ni. Casi dxi bilabe Jeremías de ñati ndaaniʼ ti bizé. Laaca bilabe Sadrac, Mesac ne Abednego de ñáticaʼ ndaaniʼ ti horno ndaʼ, ne bilabe Daniel de ñó caadxi lión laa. Laaca gupa Jiobá Ester para ganda gulá xquídxibe. Maʼ qué zudiirube lugar chuʼ cosa malu. Profecía stiʼ estatua naroʼbaʼ ne yaga naroʼbaʼ que, racané cani laanu gánnanu mayaca zabee Reinu stiʼ Dios guiráʼ ca cosa malu ne zuni mandar ni lu guidubi Guidxilayú.