CANCIÓN 75
«¡Raríʼ nuaaʼ! Biseendaʼ naa»
(Isaías 6:8)
1. Ca binni nuu lu Idxilayú
riniʼcaʼ malu Dios stinu.
Qué rusisácacaʼ Jiobá,
qué runi crecaʼ Dios nuu ibáʼ.
¿Tu cheʼ ra nuu ca binni riʼ,
guiníʼ de Diuxi ni dxandíʼ?
(ESTRIBILLO 1)
«¡Raríʼ nuaaʼ, Dios! Biseendaʼ naa.
Zaniéʼ de lii ra nuu de iráʼ.
Ti ndaayaʼ roʼ nga cudiiu naa, Dios.
Nuaaʼ raríʼ, biseendaʼ naa».
2. Ca binni malu ca riníʼ
nanene Dios, cadi nadxii,
ne runi crecaʼ jma bidóʼ,
lugar de ñuni crecaʼ Dios.
¿Tu quixhená ca binni ca,
maʼ gaxha nuu dxi stiʼ Jiobá?
(ESTRIBILLO 2)
«¡Raríʼ nuaaʼ, Dios! Biseendaʼ naa.
Naa quixhenaʼyaʼ de guiráʼ.
Ti ndaayaʼ roʼ nga cudiiu naa, Dios.
Nuaaʼ raríʼ, biseendaʼ naa».
3. Ca binni ni cayacaná,
rucaacaʼ ridxi Dios de ibáʼ;
rinábacaʼ guiziidicaʼ
ne icaacaʼ ndaayaʼ stiʼ Jiobá.
¿Guiráʼ cani cayacaná,
tu usiidiʼ laacaʼ de Jiobá?
(ESTRIBILLO 3)
«¡Raríʼ nuaaʼ, Dios! Biseendaʼ naa.
Naa ziaaʼ ziusiideʼ de guiráʼ.
Ti ndaayaʼ roʼ nga cudiiu naa, Dios.
Nuaaʼ raríʼ, biseendaʼ naa».
(Laaca zanda gúʼndaluʼ Sal. 10:4; Ezeq. 9:4).