Información para ca ni cheʼ asamblea

ACOMODADOR. Nuu acomodador para gacané lii. Ora gábicabe lii paraa zanda guzuhuaaluʼ carru stiluʼ, pa ladu saluʼ, ximodo cueeluʼ lugar ne xcaadxi cosa la? galán guzuubaluʼ stiidxacabe.

ASIENTU. Rinábadu lii guni respetarluʼ xcaadxi binni. Bietenalaʼdxiʼ zanda guni apartarluʼ asientu para familia si stiluʼ, para ca ni chineluʼ ndaaniʼ carru, para ca ni nabeza ra liʼdxuʼ ne para ca binni ni rudiiluʼ estudiu. Cadi quíxheluʼ xiixa lu asientu ni qué zaquiiñeluʼ.

BAUTISMO. Pa qué guchaacabe anunciu riʼ la? zaca apartar ca asientu ni nuu frente de plataforma para si ca ni chichuunisa. Naquiiñeʼ cuiʼ ca ni chichuunisa lu ca asientu riʼ ante guzulú discursu ni chitiidiʼ para laacaʼ sábadu siadóʼ. Naquiiñeʼ guedané guirácabe ti tualla ne ti traje de bañu ni gusihuinni xpinni Cristu laacabe.

DONACIÓN. Raca stale gastu para guidxela asientu galán, equipu de sonidu ne de videu, ne para chuʼ xcaadxi serviciu ti ganda guni disfrutarnu de asamblea stinu ne ganda guidxíñanu jma gaxha de Jehová. Racané ca donación stiluʼ para guiaxa ca gastu riʼ ne para iquiiñeʼ ni lu obra mundial. Para ganda gusábaluʼ donación stiluʼ la? ndaaniʼ guidubi local de asamblea riʼ nuu caja ni napa letreru de donación. Laaca zanda gúniluʼ donación stiluʼ lu sitiu ni nápanu lu Internet ni láʼ donate.jw.org. Risaca guiráʼ donación ni rúniluʼ. Grupu ni Zániru cudii xquixe peʼ lii pur ca donación ni rudiiluʼ para guidale ca interés stiʼ Reinu.

OBJETOS PERDIDOS. Pa bidxélaluʼ xiixa la? yesaana ni ra Departamento de Objetos Perdidos. Pa binítiluʼ xiixa la? guyé ra departamentu riʼ para guyúbiluʼ ni. Laaca naquiiñeʼ chinécabe ca baʼduhuiiniʼ ni cananiti ra departamentu riʼ. Peru, para cadi gaca estresarnu la? rinábadu lii chuʼluʼ cuidadu ca xiiñiluʼ guiráʼ ora ne cadi gudiiluʼ lugar guixélecabe de lii.

PRIMEROS AUXILIOS. Nuu departamentu riʼ para si emergencia.

SERVICIO VOLUNTARIO. Pa racaláʼdxiluʼ gacaneluʼ lu ca dxiiñaʼ raca lu asamblea riʼ la? guyé ra Departamento de Información y Servicio Voluntario.

REUNIÓN ESPECIAL

Escuela para Evangelizadores del Reino Guiráʼ ca precursor ni napa 23 hasta 65 iza, ne racalaʼdxiʼ guni jma lu xhiiñaʼ Dios ne rapa gana cheʼ escuela riʼ, cayaca invitarcaʼ para ti reunión domingu huadxí. Dede lu plataforma zaníʼcabe pora ne paraa chigaca ni.