BIʼNIʼ REVISITA
LECCIÓN 7
Cadi guireeluʼ gana
Principiu stiʼ Biblia: «Cadi cusaana de gusiidicaʼ ne de guni predicarcaʼ ca noticia galán» (Hech. 5:42).
Ni biʼniʼ Pablo
1. Biiyaʼ VIDEU RIʼ o biindaʼ Hechos 19:8-10. Despué guníʼ ique ni ná ca pregunta riʼ:
¿Ximodo nánnanu qué niree Pablo gana neca guyuu binni ni qué niná nucaadiaga laabe?
¿Panda biaje guniʼné Pablo ca binni ni napa gana guiziidiʼ, ne pabiáʼ tiempu bíʼnibe ni?
¿Xi rusiidiʼ ejemplu stiʼ Pablo laanu?
2. Para gúninu revisita ne guzulunu gudiʼnu estudiu binni, caquiiñeʼ cueenu tiempu ne gúninu stipa.
Yenanda ejemplu stiʼ Pablo
3. Bichaa horariu stiluʼ ti chigánnaluʼ binni. Guníʼ ique: «¿Pora nápabe tiempu para chigannaʼ laabe? ¿Paraa ñuuláʼdxibe ñuuyaʼ laabe?». Gudixhe ique chigánnaluʼ binni ora ná neca ñuuláʼdxiluʼ ñeluʼ sti ora.
4. Gunabadiidxaʼ laabe padxí zanda guibiguétaluʼ. Ante cheluʼ, gudxi binni ca padxí ne pora zabiguétaluʼ sti biaje. Ne biʼniʼ stipa cheluʼ.
5. Cadi guireeluʼ gana. Cadi guiníʼ íqueluʼ qué naʼ binni ca guiziidiʼ purtiʼ si qué ridxélaluʼ laa ra lidxi o purtiʼ nabé nuu xhiiñaʼ (1 Cor. 13:4, 7). Cadi guireeluʼ gana, biʼniʼ stipa guyúbiluʼ laabe, peru biquiiñeʼ tiempu stiluʼ jneza (1 Cor. 9:26).