Para ca hombrehuiiniʼ ne ca dxaapahuiiniʼ
Ximodo guidxélanu binni ni dxandíʼ gaca xhamigu laanu
Modo gácani: Biyubi ti lugar ra ganda gúʼndaluʼ ne cadi guchiiñaʼ gastiʼ lii. Bixuiʼlú modo gúcani, guníʼ iqueʼ cayunadiágaluʼ ni caníʼcabe ne cayuni sentirluʼ ni biʼniʼ sentir ca binni de historia ca.
Ca binni ni chiguzeeteni: Jonatán, David ne Saúl.
Xidé chiguzeeteni: Despué de biiti David Goliat la? guizáʼ guca xhamígube Jonatán.
1 BIINDAʼ NI BIZAACA RIʼ (BIINDAʼ 1 SAMUEL 17:57–18:11; 19:1; 20:1-17, 41, 42).
Bicaa ximodo riníʼ íqueluʼ guca Saúl. (Ni zanda gacané lii: biindaʼ 1 Samuel 10:20-23.)
․․․․․
Dxi binibiáʼ David Jonatán la? nácarube ti hombrehuiiniʼ. Ximodo riníʼ íqueluʼ gúcabe. (Ni zanda gacané lii: biindaʼ 1 Samuel 16:12, 13.)
․․․․․
Ra maʼ ziluxe capítulo 20 ca rusiene relatu ca bixeleʼ David de Jonatán. Xi raʼbuʼ biʼniʼ sentírcabe pur modo caníʼcabe.
․․․․․
2 BIINDAʼ XCAADXI DE LAANI.
1 Samuel 18:1 lu Versión Popular na: «Nabé guca xhamigu [Jonatán] David». Gunáʼ nga ca guenda gupa David ni nabé guyuuláʼdxibe. (Ni zanda gacané lii: biindaʼ 1 Samuel 17:45, 46.)
․․․․․
Jonatán napa biaʼ treinta iza jma que David. Xiñee raʼbuʼ nabé guca xhamígucabe neca jma huaniisi Jonatán que laabe.
․․․․․
Despué de biindaluʼ relatu riʼ, xi raʼbuʼ naquiiñeʼ gúninu para guidxélanu binni ni dxandíʼ gaca xhamigu laanu. (Ni zanda gacané lii: biindaʼ Proverbios 17:17; 18:24.)
․․․․․
Xiñee jma gudixhe ique Jonatán cadi gusaana David ne gacané laabe que gacané bixhoze.
․․․․․
3 BIQUIIÑEʼ NI BIINDALUʼ RIʼ. BICAA XI BIZIIDILUʼ DE...
... pabiáʼ risaca gapa binni xhamigu.
․․․․․
... xiñee cadi naquiiñeʼ gusaana binni xhamigu.
․․․․․
... xiñee galán gaca xhamíguluʼ binni jma huaniisi que lii.
․․․․․
... xi zanda guʼnuʼ para guidxeʼluʼ binni ni dxandíʼ gaca xhamíguluʼ.
․․․․․
4 XI JMA GUYUULÁʼDXILUʼ DE HISTORIA BIINDALUʼ RIʼ NE XIÑEE.
․․․․․
QUÉ GAPUʼ BIBLIA LA? GUNABAʼ TOBI CA TESTIGU STIʼ JIOBÁ O BIINDAʼ NI LU www.watchtower.org