CANI RINABADIIDXAʼ BINNI DE BIBLIA
Xi para gueeda Cristu sti biaje
Ante cheʼ Jesucristu guibáʼ lu iza 33, guniʼbe zabiguétabe sti biaje. Guniʼbe zeeda gácabe casi ti hombre ni za de ti familia risaca ni guyé ti guidxi zitu ne gudiʼdiʼ si stale tiempu bibiguétabe ne maʼ nápabe poder para gácabe rey. Nga runi zabiguetaʼ Jesús sti biaje para guni mandar binni guidxilayú. (Biindaʼ Lucas 19:11, 12.)
Jneza modo zuni mandar Jesús binni guidxilayú
Ximodo ndiʼ zabiguetaʼ Cristu sti biaje yaʼ. Laabe biásabe de lade gueʼtuʼ casi ti espíritu (1 Pedro 3:18). Guyebe guibáʼ ne guribe ladu derechu stiʼ Jiobá (Salmo 110:1). Despué bidii Jiobá, «Binnigola de Dxi», poder laabe para guni mandarbe binni guidxilayú. Nga runi, zabiguetaʼ Jesús sti biaje peru cadi casi ti binni, sínuque casi ti rey ni guirutiʼ zanda guʼyaʼ laa. (Biindaʼ Daniel 7:13, 14.)
Xi chiguni Jesús ora gueeda sti biaje
Zedané Jesús ca ángel stiʼ para guni juzgar binni guidxilayú ne guirutiʼ zanda guʼyaʼ laacabe. Zunitilube ca binni malu, peru zudiibe guendanabani ni qué zaluxe cani guzuubaʼ stiidxabe. (Biindaʼ Proverbios 2:22; Mateo 25:31-33.)
Zúnibe Guidxilayú riʼ ti paraísu. Ne laaca zandísabe cani maʼ guti para guibánicaʼ nayecheʼ ndaaniʼ Paraísu ca. (Biindaʼ Lucas 23:42, 43.)