¿Xi regalu zanda gudiʼnu Jiobá?

TI BIAJE guníʼ Jesús ca diidxaʼ riʼ: «Jma nayeche ni rudii que ni ricaa» (Hech. 20:35). Nabé risaca ca diidxaʼ guníʼ Jesús riʼ purtiʼ racané ni laanu gaca amistad ni nápanu né Jiobá jma naguidxi. ¿Xiñee yaʼ? Purtiʼ maʼ bidii Jiobá laanu stale cosa para chuʼnu nayecheʼ, peru ziuʼnu jma nayecheʼ pa gudiʼnu ti regalu laabe. ¿Xi zanda gudiʼnu laabe yaʼ? Proverbios 3:9 ná: «Bisisaca Jiobá né ca cosa risaca stiluʼ». Lade ca «cosa risaca riʼ» nuu tiempu stinu, ca habilidad nápanu, stipa stinu ne cosa material ni nápanu. Ora riquiiñenu cani nápanu para gacanenu gaca adorar Dios la? casi ñaca cudiʼnu Jiobá ti regalu ne ndiʼ nabé rusiecheʼ ni laanu.

¿Xi zacané laanu cadi gusiáʼndanu gudiʼnu Jiobá de ca cosa material ni nápanu yaʼ? Gudxi apóstol Pablo ca hermanu de Corinto cueechucaʼ ti ndaa bueltu para gudiicaʼ donación (1 Cor. 16:2). Pa racaláʼdxiluʼ gánnaluʼ ximodo zanda gudiiluʼ ti donación dede ra nabézaluʼ la? biiyaʼ recuadru ni zeeda xagueteʼ.

Nuu guidxi qué randa runi tuuxa donación pur Internet. Peru lu página donate.jw.org zeeda xcaadxi modo zanda guni tuuxa ni. Ne ndaaniʼ xcaadxi guidxi la? zeeda ti documentu lu página riʼ ni cacabi ca pregunta ni runi binni de donación.