Ximodo zanda usaananu revista

15 stiʼ marzo

«Stale binni de idubi naca Guidxilayú riniʼcaʼ galán nga iráʼ ni bisiidiʼ Jesús [biindaʼ ni cá lu 1 párrafo yaza 3]. Peru, ñee raʼbuʼ zanda acané cani bisiidiʼ Jesús ca laanu ti ibáninu jma galán yanna casi ni cá lu textu riʼ la? [Biindaʼ Mateo 5:21 ne ra bizulú si 22. De racá uleza icábibe.] Revista riʼ cusiene xii nga cani bisiidiʼ Jesús ne ximodo zanda acané cani laanu.»

22 stiʼ marzo

«Stale binni ridxagayaa ca dani ca purtiʼ galán cani, peru ñee nánnaluʼ pabiáʼ riquiiñeʼ cani ti ganda chuʼ endanabani lu Guidxilayú riʼ la? [Uleza icábibe.] Revista riʼ cusiene xiñee riquiiñenu ca dani ca ne xi cayaca cani yanna. Laaca caníʼ ni xi chiguni Dios ni bizáʼ laanu ti cadi initilú cani.» Biindaʼ Salmo 95:4.

1 stiʼ abril

«Maʼ huayunadiágaluʼ modo rucaalú ca científicu ca ni cá lu Biblia la? [Uleza icábibe.] Revista riʼ caníʼ de que ca científicu ca maʼ xadxí cadi nuucaʼ tobi si ne ni rusiidiʼ ca religión ca. Ne laaca cudiini razón de que biaʼ ra maʼ biene ca científicu ca biaʼsiʼ ni ne ni riníʼ Biblia.» Bixheleʼ revista ca lu yaza 6 ne 7. De racá biindaʼ Eclesiastés 1:7.

8 stiʼ abril

«Xi raʼbuʼ zanda guni bixhoze ne jñaa binni ti acanécabe ca xiiñicabe cadi guiábacaʼ lu ca endanagana ni rapa binni ora nahuiiniruʼ yaʼ. [Uleza icábibe. De racá biindaʼ Isaías 48:17, 18.] Revista riʼ culuiʼni ximodo zanda acané ca conseju stiʼ Biblia ca binni napa xiiñiʼ ti usiaacabe xiiñicabe iniʼné laacabe ne gánnacabe padede ti nga zanda ucuezacabe laacaʼ.»