Ximodo zanda usaananu revista

15 stiʼ nov.

«Stale binni nabé rinabadiidxaʼ, xiñee zeʼ dxi jma cayuniná ca endanagana ca binni yanna riʼ lugar de niree cani. Ñee raʼbuʼ ñanda nusiene ni zeeda lu versículo riʼ laanu xiñee zacá ni la? [Biindaʼ Apocalipsis 12:9 ne bidii lugar icábibe.] Revista riʼ culuiʼni laanu ca modo riguite Binidxabaʼ binni ne ximodo zanda gúninu para cadi quítebe laanu.»

22 stiʼ nov.

«Neca rudii guidxilayú riʼ ni gó iráʼ binni la? nuu biaʼ 800 millón de binni huará pur gastiʼ ni gó. Ñee cadi izáʼ feu nga la? [Uleza icábibe.] Revista riʼ cusiéneni laanu xiñee jma nagana cayaca para ca binni ni nabeza ndaaniʼ ca guidxi roʼ ca gápacaʼ ni gocaʼ. Laaca culuiʼni laanu ni maʼ bizabiruaa Dios guni lu guidxilayú riʼ ne racá maʼ irutiʼ tu zandaana.» Biindaʼ Salmo 72:16a.

1 stiʼ dic.

«Stale binni ora gunadiágacaʼ diidxaʼ Armagedón ca, riníʼ íquecaʼ chiguinitilú guidxilayú riʼ [biluíʼ laabe cuadru cá lu yaza 3]. Ñee cadi endaridxagayaa nga gánnaluʼ dxi gueeda Armagedón ca zácani tobi de ca cosa ni jma galán izaaca la? [Uleza icábibe.] Revista riʼ cusiéneni xiñee.» Biindaʼ 2 Pedro 3:13.

8 stiʼ dic.

«Riulaʼdxeʼ inieniáʼ lii de ti dxi ra iráʼ xixé binni zapa ti lugar ra cueza. Ñee cadi nabé triste nga gúʼyanu stale binni qué gapa lidxi la? [Uleza icábibe de racá biindaʼ Isaías 65:21, 22.] Revista riʼ cusiéneni xiñee nuu endanagana riʼ. Laacaʼ culuiʼni laanu ximodo zuni Dios ni maʼ bizabiruaa, casi maʼ bíʼndanu riʼ.»