Ximodo zanda usaananu revista

® 15 stiʼ junio

«Ñee raʼbuʼ zanda chuʼnu nayecheʼ neca cadxagalunu stale endanagana la? [Uleza icábibe.] Revista riʼ cayabi ni laanu xi iráʼ conseju rudii Biblia para ganda udxiilunu ca endananá ridxagalunu lu xquendanabáninu. Laaca caníʼ ni ximodo rudii iráʼ cani chiguni Jiobá ca stipa laanu.» Biindaʼ Apocalipsis 21:3, 4.

Junio

«Pur iráʼ cani cazaaca casi ra runiná xu o nisaguié, ñee cadi raʼbuʼ cayabi ca nga laanu naquiiñepeʼ nga gúninu ni gábicabe laanu ora chiguizaaca xiixa ni guniná binni la? [Uleza icábibe.] Revista riʼ cusiéneni laanu xi biziidiʼ ca binni ni bilá dxi bininá huracán Katrina que laacaʼ. Ne laaca caniʼni de ti cosa ni chiguizaaca ne naquiiñeʼ ucaadiáganu.» Biluíʼ tema ni ruzulú lu yaza 14.

® 1 stiʼ julio

«Ndaaniʼ guidxilayú ra nuu stale endanagana riʼ, stale binni rinabadiidxaʼ xiñee ridxagalunu iráʼ endananá riʼ lu xquendanabáninu. Ne nácabe pa dxandíʼ nuu Dios, xiñee qué rizaaláʼdxibe cueebe ca endananá nuu yanna riʼ. Ñee huaníʼ íqueluʼ zacaca la? [Uleza icábibe.] Revista riʼ cusiéneni ca endarinabadiidxaʼ riʼ ne Biblia.» Biindaʼ 2 Timoteo 3:16.

Julio

«Ca dxi nabáninu riʼ, zeʼ dxi jma stale endaxheelaʼ cadxagalucaʼ stale endanagana. Ñee raʼbuʼ zacané conseju zeeda lu Biblia riʼ cani maʼ bichaganáʼ ca pa chinándacabe ni la? [Biindaʼ Efesios 4:32 ne uleza icábibe.] Revista ¡Despertad! riʼ neni stale conseju stiʼ Biblia ni huayacané cani maʼ bichaganáʼ para ibánicaʼ nayecheʼ.»