Ximodo zanda gusaananu revista

TORRE STIʼ NI RAPA 1 stiʼ feb.

«Ñee nánnaluʼ xi gudixhe Dios guni ti hombre ne ti gunaa ni maʼ bichaganáʼ dede dxi bizaʼbe laacaʼ la? [Guleza guicábibe.] Stiidxaʼ Dios cusiene chaahuiʼ ni laanu xii nga naquiiñeʼ guni hombre ne gunaa [biindaʼ Colosenses 3:18, 19]. Yanna, pa chinándanu conseju ni cudii Dios laanu riʼ la? ziúʼnenu binnilídxinu tobi si ne maʼ qué ziuu dindenenu laacabe. Laaca zabaninenu laacabe galán ne ziuʼnu nayecheʼ. Revista riʼ cusiene jma de ni caninu riʼ.»

Febrero

«Ñee raʼbuʼ pur ni caníʼ textu riʼ nga nuu stale guendanagana lu Guidxilayú riʼ la? [Biindaʼ 1 Juan 5:19 ne guleza guicábibe.] Revista riʼ cusiéneni tuu nga Binidxabaʼ casi modo na Biblia ne ximodo zanda gucaananu cani riquiiñebe para uquiindebe laanu.» Biluíʼ laabe ni cá lu yaza 12.

TORRE STIʼ NI RAPA 1 stiʼ feb.

«Ñee nannuʼ xii nga Armagedón la? [Guleza guicábibe.] Nuu binni na laani nga ora tinde guiráʼ ca guidxi roʼ ca lu guidubi naca Guidxilayú riʼ. Xcaadxi na laani nga ora guinitilú Guidxilayú riʼ. Ñee cadi raʼbuʼ riquiiñeʼ guiene chaahuinu xii nga laani la? [Biindaʼ Apocalipsis 16:14, 16.] Biblia laaca ruzeeteʼ xi guiráʼ ndaayaʼ nga chigueedané Reinu stiʼ Dios gati si guiráʼ binni malu ca. Revista riʼ cusiene jma de ni caninu riʼ.»

Marzo

«Xi guendanagana raʼbuʼ cadxaagalú ca hombrehuiiniʼ ne ca dxaapahuiiniʼ ca dxi stinu riʼ yaʼ. [Guleza guicábibe.] Textu riʼ caníʼ tobi de cani ridxagalúcabe: guidxélacabe ti binni ni dxandíʼ gaca xhamígucabe [biindaʼ Proverbios13:20]. Revista riʼ caníʼ xiñee cadi galán iquiiñecabe Internet para guyúbicabe xhamígucabe ne ximodo zanda gápanu laacabe de laani.»