Ñee zanda gúniluʼ jma lu xhiiñaʼ Reinu la?
1. Xii nga jma caquiiñeʼ gúninu yanna, ne xiñee.
1 Ora biiyaʼ Jesús cayuulaʼdxiʼ stale binni gucaadiaga de Reinu stiʼ Dios la? gúdxibe ca discípulo stibe: «Lainaba lu Dios useenda stale tu guni dxiiña ca, ti laabe nga xpixuaana ni» (Mat. 9:37, 38). Cumu jma mayaca guiluxe dxiiñaʼ riʼ la? nga runi jma caquiiñeʼ gucheechenu diidxaʼ yanna. Galán guiníʼ ique chaahuinu ne guni orarnu Dios para gúʼyanu pa zanda gúninu jma lu xhiiñaʼ Reinu (Juan 14:13, 14).
2. Ximodo nga cayuni stale xpinni Cristu jma lu xhiiñaʼ Reinu.
2 Biʼniʼ jma lu xhiiñaʼ Reinu. Stale de ca xpinni Cristu rudiicaʼ lugar gacané Jiobá laacaʼ, nga runi randa rácacaʼ precursor (Sal. 26:2, 3; Fili. 4:6). Caadxi de laacaʼ rúnicaʼ stipa para gácacaʼ precursor auxiliar tobi o chupa chonna beeu lu ti iza. Zacá nga rúnicabe jma lu xhiiñaʼ Reinu. Cumu nabé riéchecabe gúnicabe dxiiñaʼ riʼ la? nga runi stale de laacabe guníʼ íquecabe gácacabe precursor regular (Hech. 20:35).
3. Pa gúcaluʼ precursor dxiqué, xi zándaca guiníʼ íqueluʼ gúniluʼ yanna.
3 Ñee zanda gácaluʼ precursor sti biaje la? Pa gúcaluʼ precursor dxiqué la? zándaca rietenaláʼdxiluʼ stale cosa galán de laani. Ñee maʼ biʼniʼ orarluʼ Jiobá para gúʼyaluʼ pa zanda gácaluʼ precursor sti biaje la? Zándaca nagasi maʼ qué gápaluʼ ca guendanagana ni bicueeza lii para gácaluʼ precursor, ne yanna maʼ zanda guzululuʼ sti biaje (1 Juan 5:14, 15).
4. Xi dxiiñaʼ nabé risaca nga zanda gúninu.
4 Mayaca guiluxe dxiiñaʼ bisaana Jesús gaca riʼ (Juan 4:35, 36). Cada tobi de laanu naquiiñeʼ guidúʼyanu pa zanda gúninu jma lu xhiiñaʼ Reinu. Ne pa gúʼyanu qué ganda la? galán quixhe íquenu gusíʼdinu jma jneza (Mar. 12:41-44). Pa zanda la? guizáʼ sicarú nga iquiiñeʼ Jiobá lii para gúniluʼ dxiiñaʼ riʼ casi precursor. ¡Ti ndaayaʼ naroʼbaʼ nga gácaluʼ precursor! (Sal. 110:3.)