Ximodo zanda gusaananu revista

Torre stiʼ ni rapa Abril-junio

«Para ganda gápanu fe Jesús ne guni crenu cani bisiidibe la? naquiiñeʼ gunibiáʼ chaahuinu laabe. Ñuuláʼdxiluʼ ñánnaluʼ tu laabe, padé beedabe ne xi para beedabe ndaaniʼ Guidxilayú riʼ la? [Guleza guicábibe.] Laapebe guniʼbe ca diidxaʼ riʼ [biindaʼ Lucas 4:43]. Tema riʼ caníʼ de gaayuʼ cosa bisiidiʼ Jesús de laca laa.» Biluíʼ laabe tema ni zeeda lu yaza 5.

¡Despertad! Junio

«Stale de ca yuʼduʼ ca runi cobrarcaʼ para cuʼnísacaʼ tuuxa, gucheelacaʼ ne ora gúnicaʼ xiixa para igaachiʼ ti gueʼtuʼ. Ñee jneza ruuyaluʼ ni rúnicabe ca la? [Guleza guicábibe.] Rinabaʼ lii gúʼyaluʼ xi gudxi Jesús ca discípulo stiʼ [biindaʼ Mateo 10:7, 8b]. Revista riʼ cusiene xi riníʼ Biblia de ni runi stale de ca yuʼduʼ ca ora runi cobrarcaʼ pur ni rúnicaʼ para binni.» Biluíʼ laabe tema ni zeeda lu yaza 22.

Torre stiʼ ni rapa Julio-septiembre

«Zándaca maʼ bidiiluʼ cuenta gadxé gadxé nga ni riníʼ stale religión de nisa dxuʼniʼ. Peru, ximodo raʼbuʼ ruuyaʼ Dios gueʼ binni nisa dxuʼniʼ yaʼ [guleza guicábibe]. Biblia ruzeeteʼ biʼniʼ Jesús ti milagru ra biʼniʼ nisa vinu, peru laaca cudiini conseju riʼ laanu [biindaʼ 1 Corintios 10:31]. Qué riníʼ diʼ Biblia cadi liica gueʼ binni nisa dxuʼniʼ, peru laaca cadi cayábini binni zanda gueʼ xhaataʼ nisa dxuʼniʼ, casi cusiene revista riʼ.»

¡Despertad! Julio

«Pur modo nuu ca tiempu riʼ nabé riuu binni xizaa purtiʼ nagana para guni ganar bueltu. Tuuxa ni qué gapa dxiiñaʼ la? qué ridxela xi guni, ne ni napa dxiiñaʼ ridxibi gueeda guniti dxiiñaʼ stiʼ. Ximodo ruuyaluʼ conseju riʼ. Ñee raʼbuʼ zanda gacaneni ca binni ni maʼ bizéʼtenu ca la? [Biindaʼ Mateo 6:34. De racá guleza guicábibe.] Revista riʼ cudii caadxi conseju galán para gánnanu iquiiñenu bueltu stinu ne zacaneni laanu para cadi chúʼpenu xizaa.»