Ximodo zanda gusaananu revista

Torre stiʼ ni rapa Julio-septiembre

«Nabé raca nagana para stale guendaxheelaʼ chuʼcaʼ galán né suégrucaʼ ne suégracaʼ. Ñee raʼbuʼ zanda gacané Biblia laacabe la? [Guleza guicábibe.] Biiyaʼ conseju cudii Biblia [biindaʼ Colosenses 3:13]. Tema riʼ neni caadxi conseju galán casi ni zeeda raríʼ.» Biluíʼ laabe tema ni zeeda lu yaza 18.

¡Despertad! Agosto

«Lu stale de ca película ni ruuyaʼ binni yanna nabé rihuinni demonio, bruja ne binni ni runi magia. Ñee raʼbuʼ dxandíʼ nga nuu ca demonio ca la? [Guleza guicábibe. De racá biindaʼ 1 Corintios 10:20.] Lu tema riʼ zánnaluʼ xi rusiidiʼ Biblia de ca demonio ca ne xi zanda gúninu para cadi guninácabe laanu.» Biluíʼ laabe tema ni zeeda lu yaza 20.

Torre stiʼ ni rapa Julio-septiembre

«Ñee huanabadiidxaluʼ pa zanda gacané ca binnilídxinu ni maʼ guti laanu la? [Guleza guicábibe.] Galán gánnanu xi guníʼ Jesús dxi guti Lázaro xhamigu [biindaʼ Juan 11:11]. Tema riʼ cusiene pa nabániruʼ ca gueʼtuʼ ca sti lugar ne pa zanda gacanécabe laanu, o pa caziiláʼdxicabe ne cabézacabe ora guidxiña dxi guibánicabe sti biaje.» Biluíʼ laabe tema ni zeeda lu yaza 21.

¡Despertad! Septiembre

«Ora runi sentir binni nuu stubi, riuulaʼdxiʼ iquiiñeʼ celular, correu electrónicu, foro de charla, ne xcaadxi cosa casi laacani para guiniʼné tuuxa. Ñee raʼbuʼ dxandíʼ racaneni binni para guni sentir galán la? [Guleza guicábibe.] Raríʼ zeeda ti conseju ni zanda gacané binni para cadi guni sentir nuu stubi [biindaʼ Hechos 20:35]. Laaca zeeda xcaadxi conseju galán ni rudii Biblia lu revista riʼ.»