Ximodo zanda gusaananu revista

® Enero-marzo

«Ñee huanabadiidxaluʼ xiñee jma huaxiéʼ iza ribani binni yanna que ca binni bibani dxiqué ni ruzeeteʼ Biblia la? [Guleza guicábibe.] Biblia ruzeeteʼ de chupa chonna binni ni bibánicaʼ xadxí, nuu de laacaʼ biaʼ qué nusaasicaʼ ti mil iza casi Matusalén ne Noé. Peru laanu zanda guibáninu jma xadxí que laacabe. Nannuʼ ximodo la? [Biindaʼ Juan 5:24.] Tema riʼ cusiene pa dxandíʼ bibani ca hombre riʼ ne xi naquiiñeʼ gúninu para guibáninu sin qué chuʼ dxi gátinu.» Biluíʼ laabe tema ni zeeda lu yaza 18.

Marzo

Pa guiníʼneluʼ ti hombrehuiiniʼ o ti dxaapahuiiniʼ, biluíʼ laabe tema ni zeeda lu yaza 26. Zanda guluiʼluʼ primé subtítulo stini ne gunabadiidxaʼ laabe: «Ñee raʼbuʼ dxandíʼ cani cá raríʼ la? [Guleza guicábibe. De racá biindaʼ 2 Corintios 7:1.] Tema riʼ cayabi lii ni caquiiñeʼ gánnaluʼ de ni rizaaca binni ora riguʼbaʼ gueza ne laaca cusiéneni ximodo zanda gusaana de cubaʼ binni ni».

® Abril-junio

«Ñee cadi dxandíʼ nabé cayaca divorciar binni yanna riʼ la? Xiñee rábiluʼ rúnicabe ni [guleza guicábibe]. Conseju riʼ nabé huayacané ni stale guendaxheelaʼ [biindaʼ 1 Corintios 10:24]. Revista riʼ cuzeeteʼ xhoopaʼ guendanagana ni rapa binni lu xquendaxheelaʼ ne culuíʼ ni ximodo zanda chinándacaʼ ca conseju ni zeeda lu Biblia.»

Abril

«Tobi de ca yuubaʼ jma naroʼbaʼ ni rapa binni nga ora rati tuuxa binni ni nadxii, cadi dxandíʼ la? [Guleza guicábibe.] Stale binni nabé racané ca diidxaʼ riʼ laacaʼ ora cadíʼdicaʼ lu yuubaʼ riʼ [biindaʼ Salmo 55:22]. Lu revista riʼ zeeda caadxi modo zanda gudxiilú binni yuubaʼ riʼ ne cusiéneni ximodo zanda gusaananu cani lu náʼ Dios.»