Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ julio

«Guiranu nga maʼ huayati ti binnilídxinu o ti xhamígunu. Ñee raʼbuʼ zanda guidúʼyanu laacabe sti biaje la? [Guleza guicábibe.] Ñuuladxeʼ nulueeʼ lii xiixa ni zaguixhedxí ladxidoʼloʼ.» Biindaʼ ne bisiene primé subtítulo ni zeeda lu yaza 16 stiʼ revista Torre stiʼ ni rapa julio-septiembre. De racá biindaʼ ne bisiene tobi de ca textu ni zeeda luni. Bisaanané laabe revista ca ne gudxi laabe zabiguétaluʼ sti dxi para guicábiluʼ sti guendarinabadiidxaʼ ni zeeda luni.

® Julio-septiembre

«Stale binni raca nagana para laacaʼ ugaanda xpuéltucaʼ dede guiluxe beeu, peru nuu binni nin ni gó qué gapa. Ñee raʼbuʼ zadxiña dxi maʼ qué ziuu guendapobre la? [Guleza guicábibe. De racá biindaʼ Salmo 9:18.] Revista riʼ cusiene xiñee nuu guendapobre ne laaca cusiéneni ximodo na Biblia zaca chaahuiʼ guendanagana ca.»

Julio

Bizeeteʼ xiixa desgracia ni bihuinni lu noticia ne gunabadiidxaʼ: «Xiñee raʼbuʼ cudii Dios lugar guizaaca ca desgracia ca yaʼ [guleza guicábibe]. Biblia ruzeeteʼ riaʼ Dios ca binni ni cadiʼdiʼ lu guendananá [biindaʼ Éxodo 3:7]. Laaca cuzeeteʼ Biblia xiñee cudii Dios lugar cadiʼdiʼ binni yuubaʼ ne laaca ruzeeteni maʼ cadi candaa zabee Dios guiráʼ cani. Revista riʼ cusiene ximodo chigúnibe ni».