Caadxi modo zanda guinínenu binni

Tu zanda guicabi cani jma racalaʼdxiʼ binni ganna

Bidii ti tratadu binni ni caníʼneluʼ para gúʼyabe tema stini, oracaruʼ gudxi laabe: «Xi tal xa. Cayacaniáʼ lu ti campaña cayaca lu guidubi naca Guidxilayú para gusaananedu binni ti guiʼchihuiiniʼ ne nabé risaca ca diidxaʼ zeeda luni. Stiuʼ ni bidieeʼ lii ca».

Pa chigusaanaluʼ tratadu ca ti ra yoo qué guidxélaluʼ tuuxa la? bisaana ni ra cadi guʼyaʼ binni ni, ne cadi tan guzeechuluʼ ni.

Pa chuulaʼdxiʼ binni tratadu ca o rapa ruʼ gana guiníʼneluʼ laa jma la? zanda guinabadiidxaluʼ laabe xi riníʼ íquebe de guendarinabadiidxaʼ ni zeeda lu primé yaza stini. Bixheleʼ tratadu ca ne biluíʼ laabe xiná Juan 17:17. Gudxi laabe cusiene tratadu ca de ti sitiu ni nuu lu Internet ni zanda gacané laabe guidxélabe ximodo ricabi Biblia cani huanabadiidxabe. Zanda guluiʼluʼ laabe videu ni láʼ Xiñee naquiiñeʼ gúʼndaluʼ Biblia. Maʼ para guireeluʼ ra nuube, biluíʼ laabe guionnaʼ guendarinabadiidxaʼ zeeda lu últimu yaza stiʼ tratadu ca ne gudxi laabe gunáʼ ni jma ñuuláʼdxibe ñánnabe. Gudxi laabe zabiguétaluʼ para gusiidiluʼ laabe ximodo guyúbibe xi ricabi Biblia de laani lu jw.org/zai. Ora guibiguétaluʼ, byuiʼné laabe de guendarinabadiidxaʼ ca, guyé lu sitiu ca ra na LIBRU NE REVISTA > LIBRU NE FOLLETU.

Torre stiʼ ni rapa 1 stiʼ agosto

Ca sábadu ne ca domingu ca, pa gúʼyaluʼ caquiiñeʼ gusaanaluʼ revista Torre stiʼ ni rapa la? zanda guiniʼluʼ: «Laaca riuuladxeʼ gusaananiáʼ lii ca revista stiʼ beeu riʼ. Revista Torre stiʼ ni rapa riʼ cacábini guendarinabadiidxaʼ riʼ: “Ñee rizaalaʼdxiʼ Dios lii la?”».

¡Despertad! Agosto

Ca sábadu ne ca domingu ca, pa gúʼyaluʼ caquiiñeʼ gusaanaluʼ revista ¡Despertad! la? zanda guiniʼluʼ: «Laaca riuuladxeʼ gusaananiáʼ lii ca revista stiʼ beeu riʼ. Revista ¡Despertad! riʼ cacábini guendarinabadiidxaʼ riʼ: “Ximodo gutiidiláʼdxinu stonda tuuxa”».