Ugúʼsaanu gana laanu para gúninu ni jneza

Hebreos 10:24 na: «Naquiiñe ucáʼ ique nu acané saa nu [o ugúʼsaanu gana laanu] para ganaxhii nu jma, ne guni nu ni nachaʼhuiʼ». Zanda uguʼnu gana xcaadxi hermanu ora gúʼyacaʼ ejemplu stinu ne ora gábinu laacaʼ xiixa ni gusihuinni nápanu fe. Nga runi, pa bizaacanu xiixa cosa galán ora canagucheechenu diidxaʼ la? güínenu ni xcaadxi hermanu. Gacanenu laacabe gúʼyacabe riuu binni nayecheʼ ora guni xhiiñaʼ Jiobá. Peru cadi guchaaganu ni rúninu né ni rúnicabe, nin ni runi xcaadxi hermanu (Gál. 6:4). Gúninu stipa pur uguʼnu gana xcaadxi gannaxhiisaacaʼ ne gúnicaʼ ni nachaʼhuiʼ, cadi gucaʼnu laacaʼ guni sentircaʼ nápacaʼ donda para gúnicaʼ ni nachaʼhuiʼ (biiyaʼ libru Benefíciese, yaza 158, párrafo 4). Pa uguʼnu gana xcaadxi binni gannaxhiisaacaʼ la? ziale de laacaʼ gúnicaʼ ni jneza, casi gudiicaʼ xiixa cosa ni iquiiñeʼ xcaadxi binni o gucheechecaʼ diidxaʼ (2 Cor. 1:24).