Modo gucheecheluʼ diidxaʼ jma jneza: biʼniʼ invitar ca binni riuulaʼdxiʼ guiziidiʼ checaʼ reunión

XIÑEE RISACA GÚNILUʼ NI: Ora chuunu reunión óraca nga ridúʼndanu para Jiobá ne rusisácanu laabe guiráʼ semana (Sl 149:1). Laaca rizíʼdinu gúninu ni nabe (Sl 143:10). Maʼ bihuinni jma nagueenda riziidiʼ ca binni ni riuulaʼdxiʼ gucaadiaga ne cani rudiʼnu estudiu ora guzulú checaʼ reunión.

XIMODO ZANDA GÚNILUʼ NI:

• Nagueendaca biʼniʼ invitar binni ca. Cadi caquiiñeʼ cuézaluʼ dede ora maʼ cudiiluʼ laabe estudiu (Ap 22:17).

• 

  Bisiene binni ni riuulaʼdxiʼ guiziidiʼ ximodo raca ca reunión stinu ne gudxi laabe xidé chiguiníʼcabe lu stobi ni chigápatu. Zanda iquiiñeluʼ invitación ni rudiʼnu binni para cheʼ reunión, videu ni láʼ Ximodo raca ca guendaridagulisaa stidu. Ne ndaa 5 dede 7 stiʼ folletu Tuu nga cani cayuni ni na Jiobá ca dxi riʼ.

• 

  Gudxi laabe pa zanda gacaneluʼ laabe. Casi pa caquiiñeʼ chicaaluʼ laabe ra lídxibe o pa caquiiñeʼ gacaneluʼ laabe cuibe xi lari gácube. Gurí cueʼbe ra reunión ne biiyané laabe lu ca publicación stiluʼ. Bidii gunibiaʼbe xcaadxi hermanu ni ridagulisaaneluʼ.