Modo gucheecheluʼ diidxaʼ jma jneza: biquiiñeʼ libru Cadi guixélenu de Dios ni nadxii laanu para chindaluʼ ndaaniʼ ladxidóʼ binni

XIÑEE RISACA GÚNILUʼ NI: Caquiiñeʼ gunibiáʼ binni ca ley stiʼ Jiobá ne gúnicaʼ ni ná ni para chuuláʼdxibe adoración sticaʼ (Isa 2:3, 4). Guiropa libru runi estudiárnenu binni nga Cadi guixélenu de Dios ni nadxii laanu, racané libru riʼ laacabe gánnacabe ximodo gúnicabe ni ná ca principiu stiʼ Dios lu xquendanabánicabe (Heb 5:14). Naquiiñeʼ gúninu stipa para chindanu ndaaniʼ ladxidóʼ ca estudiante stinu. Xiñee yaʼ. Purtiʼ zacá zánnacabe naquiiñeʼ guchaacabe modo nabánicabe ti chuulaʼdxiʼ Dios modo runi adorárcabe laa (Ro 6:17).

XIMODO ZANDA GÚNILUʼ NI:

• Guca preparar chaahuiʼ. Guníʼ iqueʼ xi caquiiñeʼ estudiante stiluʼ. Gunabadiidxaʼ laabe xi riníʼ íquebe de ni cayuni estudiartu para gánnaluʼ xi riníʼ íquebe ne xi runi sentirbe (Pr 20:5; be-S yaza 259).

• Biquiiñeʼ ca recuadru stiʼ libru ca para gacaneluʼ estudiante stiluʼ gudii cuenta xiñee risaca nga guni ni ná ca principiu zeeda lu Biblia.

• Gucané estudiante stiluʼ gudii cuenta xi caquiiñeʼ guni ora gusiéneluʼ laa xiixa asuntu de conciencia, peru cadi gábiluʼ laa xi guni (Gál 6:5).

• Biiyaʼ ximodo zanda gacaneluʼ estudiante stiluʼ pa cayaca nagana para laa guni ni ná ca principiu ni zeeda lu Biblia. Bisiene laabe né diidxaʼ nadóʼ guchaabe pur guendarannaxhii ni nápabe Jiobá (Pr 27:11; Jn 14:31).