Qué ziuu dxi gusaana Dios de uguu ndaayaʼ lii

Biʼniʼ prometer Dios profeta Abrahán zacaa «guiráʼ guidxi ni nuu lu guidxilayú» ndaayaʼ pur tobi de ca ni za de laa (Génesis 22:18). ¿De tuu nga caniʼbe yaʼ?

Raca biaʼ chupa mil iza, bidii Dios poder Jesús para guni milagru. Ca milagru riʼ bisihuínnicani pur Jesús zaca cumplir promesa biʼniʼ Dios Abrahán de uguu ndaayaʼ guiráʼ guidxi, purtiʼ laa za de Abrahán (Gálatas 3:14).

Ca milagru ni biʼniʼ Jesús gucané cani binni gudii cuenta laabe nga profeta ni gulí Dios para uguu ndaayaʼ binni. Laaca bisihuinni ca milagru riʼ ximodo zaquiiñeʼ Dios Jesús lu ca dxi ni zeeda ca para uguube ndaayaʼ laanu. Guidúʼyanu caadxi de ca cualidad galán ni bisihuinni Jesús ora biʼniʼ milagru.

Gunnaxhiibe ne bisiándabe ca ni huará.

Ti biaje gunabaʼ ti hombre napa lepra laabe pa zusiándabe laa. Óraque gudaʼnaʼ Jesús laabe ne gudxi laabe: «Racalaʼdxeʼ pue». Ne oraqueca bianda hombre que (Marcos 1:40-42).

Bidiibe de ni nápabe ne bidiibe ni gó binni ni candaana.

Qué nudii Jesús lugar nindaana binni. Cadi ti biaje si bíʼnibe milagru para gudiibe ni gó mil de binni ora bitálebe caadxi pan ne caadxi benda (Mateo 14:17-21; 15:32-38). Guiráʼ binni gudó ne bidxaa ndaaniʼ, ne laaca biaana sobra stale guendaró.

Biabe ne bisibánibe ca ni maʼ guti.

Ora bíʼyabe guti tobi lucha xiiñiʼ ti viuda ne maʼ qué gapa gunaa riʼ tu guuyaʼ laa la? «guizáʼ biabe laa» ne bisibánibe xiiñiʼ (Lucas 7:12-15).