«Naquiiñe gataná tu»

25:1-12

Neca para ca ungidu nga guníʼ Jesús parábola de chii binnidxaapaʼ, guiranu zanda gacané ni laanu. (w15 15/3 yaza 12-16). «Nga runi, na Jesús rabi laacaʼ, naquiiñe gataná tu purti qué ganna tu padxí nin pora ibigueta Hombre Biseenda Dios» (Mt 25:13). ¿Ñee zanda gusiéneluʼ parábola ni guníʼ Jesús riʼ la?

• Novio (v. 1): Jesús.

• Ca binnidxaapaʼ nuu xpiaaniʼ o cani nuu listu (v. 2): Ca ungidu ni nuu listu para guni ni ná Jiobá, cani zeeda gaca casi biaaniʼ dede dxi guiluxe guidxilayú (Flp 2:15).

• Gucuá ridxi: «Ma zeeda novio» (v. 6): Seña ni cusihuinni mayaca gueeda Jesús.

• Ca binnidxaapaʼ nahuati (v. 8): Ca ungidu ni zichagalú Novio que, peru cumu cadi nexhenácabe la? rudxiideche cabe Novio que.

• Ca binnidxaapaʼ nuu xpiaaniʼ qué rinacaʼ gudiicaʼ aceite sticaʼ (v. 9): Ora guicaa ca ungidu ni ruzuubaʼ diidxaʼ últimu sellu maʼ qué zanda gacanécabe cani bidxii deche Jesús.

• «Beeda novio» (v. 10): Zeeda Jesús ra maʼ ziluxe gran tribulación para guni juzgar ne gunitilú guidxilayú malu riʼ.

• Ca binnidxaapaʼ si ni nuu xpiaaniʼ ne novio que biuucaʼ ra chigaca guendaxheelaʼ que ne bieeguʼ puertaʼ (v. 10): Zuni reunir Jesús guiráʼ ungidu ni ruzuubaʼ diidxaʼ guibáʼ, peru cani qué guzuubaʼ diidxaʼ maʼ qué zacaacaʼ premiu sticaʼ guibáʼ.