Modo guni predicarluʼ jma jneza: Maʼ cadi gudiiluʼ estudiu ti binni pa cadi cayuni progresar

XIÑEE RISACA NI. Naquiiñeʼ guni invocar binni nombre stiʼ Jiobá para guilá (Ro 10:13, 14). Naquiiñeʼ gánnanu, cadi guiráʼ diʼ ca binni ni riná gudiʼnu estudiu de lu Biblia nga racalaʼdxiʼ chinanda ca norma stiʼ Jiobá. Nga runi, para ganda guni aprovecharnu tiempu risaca ni ribeeenu para gúninu xhiiñaʼ Jiobá la?, naquiiñeʼ guyúbinu ca binni ni dxandíʼ racalaʼdxiʼ guni cambiu lu xquendanabani ne gusiecheʼ ladxidóʼ Jiobá. Pur nga, pa cadi cayuni progresar ti estudiante stinu lu ti tiempu ra maʼ caquiiñeʼ ñúnibe ni la?, jma jneza gusaananu de gudiʼnu estudiu laabe ne gúninu stipa pur gacanenu ca binni ni cuchiña Jiobá ra nuu ne ni cuchiña ndaaniʼ organización stiʼ (Jn 6:44). Peru pa despué guchaa estudiante ca ne gusihuinni laa nga tobi de ca binni ni «ma nexhe icaa enda nabani ni qué zaluxe» la?, né stale guendanayecheʼ zudiʼnu laabe estudiu sti biaje (Hch 13:48).

XIMODO GÚNILUʼ NI

• Biʼniʼ felicitar estudiante ca pur deseu napa de guiziidiʼ cani dxandíʼ rusiidiʼ Biblia (1Ti 2:4).

• Bisietenalaʼdxiʼ laabe pabiáʼ risaca nga gúnibe guiráʼ ni maʼ biziidibe (Lu 6:46-49).

• Bisiene estudiante stiluʼ né diidxaʼ nadóʼ de parábola stiʼ hombre ni riguu biní que, ne gucané laabe guʼyaʼ chaahuibe xi cucueeza laabe de guni progresarbe (Mt 13:18-23).

• Biyubi modo gábiluʼ laabe xiñee chigusaana de gudiiluʼ estudiu laabe.

• Gudxi laabe zaníʼneluʼ laabe pur teléfono o zigánnaluʼ laabe gatigá ne zándaruʼ guicaabe estudiu pa gúnibe ni maʼ biziidibe lu xquendanabánibe.

DESPUÉ DE GÚʼYALUʼ VIDEU CA, ZANDA GUICÁBILUʼ CA PREGUNTA RIʼ:

• Ora cayuíʼcabe diidxaʼ, ¿xii nga ca detalle bisihuinni cadi cayuni progresar estudiante ca en sentidu espiritual?

• ¿Xi biʼniʼ publicador ca para gucané estudiante stiʼ guiene naquiiñeʼ guni cambiu lu xquendanabani?

• ¿Ximodo bisiene publicador ca estudiante stiʼ zándaruʼ guicaa estudiu despué?