¿Ximodo zanda chuʼnu listu para Conmemoración?

A partir de iza riʼ, zápanu jma tiempu para gaca prepararnu dxi rietenaláʼdxinu guendaguti stiʼ Cristu. Ora gápanu Conmemoración ca ndaaniʼ semana, zaca cancelar reunión Xhiiñaʼ Dios de modo nabáninu ne ora gápanuni fin de semana la? zaca cancelar discursu públicu ne qué zaca estudiar revista Torre stiʼ ni rapa. ¿Ximodo zanda guni aprovecharnu tiempu ni gápanu riʼ yaʼ? Cásica gúcani lu primé siglu, ca dxi riʼ laaca naquiiñeʼ guni prepararnu caadxi cosa para dxi nabé risaca riʼ (Lu 22:7-13; km 3/15 yaza 1). Guiranu naquiiñeʼ guni prepararnu ladxidoʼno. ¿Ximodo zanda gúninu ni?

• Guni meditarnu pabiáʼ risaca nga chuunu reunión riʼ (1Co 11:23-26).

• Guni orarnu Jiobá ne guiníʼ íquenu ximodo nuu amistad stinu né laabe (1Co 11:27-29; 2Co 13:5).

• Guidúʼndanu información zeeda lu Biblia ni cusiene pabiáʼ risaca nga Conmemoración ne guni meditarnu luni (Jn 3:16; 15:13).

Nuu publicador ruundacaʼ biaʼ maʼ nexheʼ guiuundaʼ lu Biblia para Conmemoración ni zeeda lu folletu Guidúʼndanu Stiidxaʼ Dios guiráʼ dxi ne runi meditarcaʼ luni. Xcaadxi ruundaʼ ca versículo ni zeeda lu tabla riʼ. Ne nuu tu laa ruundaʼ ca artículo stiʼ Torre stiʼ ni rapa ni caníʼ de Conmemoración ne de guendarannaxhii ni bisihuinni Jiobá ne Jesús laanu. Intiica si tema de Conmemoración guni investigarluʼ, zacaneni lii para chuʼluʼ jma gaxha de Jiobá ne Jesús.