Guzuhuaʼnu dxiichiʼ purtiʼ maʼ gaxha nuu fin

XIÑEE RISACA NI. Maʼ cadi candaa, zazaaca caadxi cosa ni zusihuinni pabiáʼ nadxibalunu ne pabiáʼ confianza nápanu Jehová. Zuzulú gran tribulación ora guinitilú ca religión ni qué rusiidiʼ ni dxandíʼ (Mt 24:21; Ap 17:16, 17). Nagana zaca ni tiempu riʼ, ne zándaca zitídxinu binni zusabanáʼ Dios laacaʼ (Ap 16:21). Zucaalú Gog de Magog laanu (Eze 38:10-12, 14-16). Dxi ca nga gueeda «guerra ni chigaca dxi roʼ stiʼ Dios ni jma napa poder» (Ap 16:14, 16). Pa racaláʼdxinu gácanu nadxibalú dxi ca la? dede yanna naquiiñeʼ guzuhuaʼnu dxiichiʼ ora tídinu lu prueba.

XIMODO GÚNILUʼ NI

• Guni defendernu ca ley ni maʼ gudixhe Jehová né guendanadxibalú (Is 5:20).

• Cadi gusaana de guni adorarnu Jehová né ca hermanu stinu (Heb 10:24, 25).

• Gúninu guiráʼ ni rinabaʼ xquidxi Jehová laanu nagueendaca (Heb 13:17).

• Guiníʼ íquenu modo bilá Jehová xquidxi dxiqué (2Pe 2:9).

• Guni orarnu Jehová ne gápanu confianza laa (Sl 112:7, 8).

DESPUÉ DE GÚʼYALUʼ VIDEU NI LÁʼ PUR CANI CHIGACA LU FUTURO, CAQUIIÑEʼ GÁCANU NADXIBALÚ (FRAGMENTU), ZANDA GUICÁBILUʼ CA PREGUNTA RIʼ:

• 

  ¿Ximodo bisihuinni ca cambiu guyuu ndaaniʼ congregación pa ruzuubaʼ ca hermanu riʼ diidxaʼ?

• 

  ¿Xiñee risaca gácanu nadxibalú para guzúʼbanu diidxaʼ?

• 

  ¿Xiñee naquiiñeʼ gácanu nadxibalú lu Armagedón?

• 

  ¿Xi relatu zeeda lu Biblia racané laanu guni crenu zanda gulá Jehová laanu? (2Cr 20:1-24).