¿Ñuuláʼdxiluʼ ñeluʼ Escuela para Evangelizadores del Reino?

Pa nápaluʼ 23 hasta 65 iza, ne racaláʼdxiluʼ gúniluʼ jma lu xhiiñaʼ Dios, nazaacaluʼ ne zanda chiguni servirluʼ stiʼ lugar ra nuu necesidad la? zanda guchaluʼ ti solicitud para ganda cheluʼ Escuela para Evangelizadores del Reino. Dede dxi bizulú scuela riʼ, stale mil de guendaxheelaʼ, hermana ne hermanu ni caʼruʼ guichaganáʼ maʼ bichacaʼ solicitud. Peru jma nga riquiiñeʼ hermanu ni caʼruʼ guichaganáʼ. Gunabaʼ Jehová gacané lii chuuláʼdxiluʼ gúniluʼ jma lu xhiiñaʼ ne chinándaluʼ ejemplu stiʼ Xiiñiʼ (Sl 40:8; Mt 20:28; Heb 10:7). Gulaʼquiʼ chaahuiʼ dxiiñaʼ ne tiempu stiluʼ ne biiyaʼ xiruʼ caquiiñeʼ gúniluʼ para ganda cheluʼ.

¿Xi huayuni ca hermanu ni huayé scuela riʼ? Nuu tu laa ruseendacabe laa stiʼ lugar ra riníʼcabe stiʼ idioma, nuu tu laa rié lu predicación especial ra nuu stale binni. Nuu caadxi de ca hermanu riʼ rácacaʼ superintendente de circuito sustituto, superintendente de circuito o rácacaʼ misioneru para chigacanecaʼ lu ti territorio. Laga caníʼ íqueluʼ ximodo zanda gúniluʼ jma lu xhiiñaʼ Jehová, zanda chinándaluʼ ejemplu stiʼ profeta Isaías ne guiniʼluʼ: «¡Raríʼ nuaaʼ! Biseendaʼ naa» (Is 6:8).

DESPUÉ DE GÚʼYALUʼ VIDEU NI LÁʼ CA MISIONERU NI NUU LU TI TERRITORIO: CANDÍSACABE COSECHA, ZANDA GUICÁBILUʼ CA PREGUNTA RIʼ:

• 

  ¿Ximodo ribícabe ca misioneru para chigacané lu ti territorio?

• 

  ¿Xi dxiiñaʼ galán cayuni ca misioneru?

• 

  ¿Xi ndaayaʼ huacaa ca misioneru?