¿Xi cayaadxaʼ lii para chuʼnísaluʼ?
MODO RÚNINU XHIIÑAʼ DIOS
Gudixhe ique gúniluʼ xhiiñaʼ Jehová
¿Ñee maʼ publicador lii o cacaaluʼ estudiu la? Pa zacá ni, ¿maʼ guníʼ íqueluʼ chuʼnísaluʼ la? ¿Xiñee caquiiñeʼ gúniluʼ ni yaʼ? Purtiʼ ora gaca dedicar tuuxa Jehová ne chúʼnisa la? ruzulú riuu jma gaxha de Jehová ne zanda guilá (Sl 91:1; 1Pe 3:21). ¿Xi caquiiñeʼ gúniluʼ para gaca dedicarluʼ Jehová ne chuʼnísaluʼ yaʼ?
Guyuu seguru dxandíʼ ni caziidiluʼ. Pa cadi cayéneluʼ xiixa la? biʼniʼ investigar ni (Ro 12:2). Pa nuu xiixa ra naquiiñeʼ guchaaluʼ la? biʼniʼ ni purtiʼ nuuluʼ gusiécheluʼ Jehová ne cadi pur cucaacabe lii gúniluʼ ni (Pr 27:11; Ef 4:23, 24). Gunabaʼ Jehová gacané lii ne laa zaquiiñeʼ espíritu santu stiʼ para gudii lii stipa (1Pe 5:10, 11). Pa gúniluʼ ni la? qué zaca arrepentirluʼ purtiʼ gástiruʼ sti cosa jma galán que gúniluʼ xhiiñaʼ Jehová (Sl 16:11).
DESPUÉ DE GÚʼYALUʼ VIDEU NI LÁʼ CA NI GUDIXHE IQUE CHÚʼNISA, ZANDA GUICÁBILUʼ CA PREGUNTA RIʼ:
¿Xi guendanagana huadxiilú caadxi hermanu para ganda chuʼnísacaʼ?
¿Xi caquiiñeʼ gúniluʼ para gaca fe stiluʼ jma naguidxi ne guiale de lii gaca dedicarluʼ Jehová yaʼ?
¿Xi bicaa stale hermanu quixhe ique chúʼnisa?
¿Xi ndaayaʼ ricaa ca ni riguixhe ique guni xhiiñaʼ Jehová?
¿Xii nga gaca dedicar tuuxa Jehová ne xii nga chúʼnisa?