GUSÍʼDINU JMA JNEZA | GUYUU NAYECHEʼ RA GÚNILUʼ DISCÍPULO
Biquiiñeʼ ca herramienta ni nápanu para guni investigarnu
Maʼ bidii Jehová laanu herramienta para gusíʼdinu binni jma jneza, casi videu, tratadu, revista, folletu, libru ne Biblia, herramienta jma risaca nápanu (2Ti 3:16). Laaca rudiibe laanu herramienta para guni investigarnu ti zacá ganda gusiénenu ni zeeda lu Biblia. Laaca ni nga Watchtower Library, aplicación JW Library®, BIBLIOTECA NI NUU LU INTERNET Watchtower™ ne folletu ni láʼ Ca tema ni huabee ca testigu stiʼ Jiobá.
Ziuuláʼdxiluʼ guidxélaluʼ tesoro ni zeeda lu Biblia lu guiráʼ información ni nápanu. Bisiidiʼ ca estudiante stiluʼ ximodo iquiiñecaʼ ca herramienta riʼ. Zacá laaca ziéchecabe ora gúʼyacabe ximodo guidxélacabe respuesta stiʼ ca pregunta ni nápacabe de lu Biblia.
DESPUÉ DE GÚʼYALUʼ VIDEU NI LÁʼ ZIUʼNU NAYECHEʼ RA GÚNINU DISCÍPULO. GUDIʼNU LUGAR GACANÉ JEHOVÁ LAANU: IQUIIÑENU CA HERRAMIENTA NI NÁPANU PARA GUNI INVESTIGARNU, ZANDA GUICÁBILUʼ CA PREGUNTA RIʼ:
¿Ximodo riníʼ ique Coral guyáʼ guiráʼ cosa?
¿Paraa biyubi Rita información?
Riuʼnu nayecheʼ ora ridxélanu tesoro ni zeeda lu Biblia ne gábinu ni xcaadxi.
¿Ximodo biyubi Rita información ni caquiiñeʼ peʼ Coral?
Ca herramienta ni nápanu para guni investigarnu, ¿ximodo gucané ca ni Rita?