¿Ximodo zanda guni ca hermana jma lu xhiiñaʼ Jehová?

Guizáʼ runi ca hermana dxiiñaʼ stiʼ Reinu (Sl 68:11). Laacabe nga jma nápacabe stale estudiu, ne jma stale hermana nga naca precursor regular. Ne stale de ca hermana ca nácacaʼ betelita, misionera, voluntaria, sierva de construcción o traductora. Ne ca hermana ni guizáʼ naguidxi fe stiʼ racanecaʼ familia sticaʼ ne congregación (Pr 14:1). Neca qué zanda gaca ca hermana ancianu de congregación o siervu ministerial, peru zanda quixhe íquecaʼ ugaandacaʼ xcaadxi meta. Nga runi hermana caʼ, ¿ximodo ruʼ zanda gúniluʼ jma lu xhiiñaʼ Jehová?

• Gápaluʼ cualidad ni riuulaʼdxiʼ Dios (1Ti 3:11; 1Pe 3:3-6).

• Gacaneluʼ ca hermana ni huaxiéʼ napa experiencia (Tit 2:3-5).

• Guni predicarluʼ jma ne gúniluʼ ni jma jneza.

• Guiziidiluʼ sti idioma.

• Chindézaluʼ ra jma caquiiñeʼ publicador.

• Guchaluʼ solicitud para gúniluʼ dxiiñaʼ Betel o chigacaneluʼ lu construcción.

• Guchaluʼ solicitud para cheluʼ Escuela para Evangelizadores del Reino.

DESPUÉ DE GÚʼYALUʼ VIDEU NI LÁʼ «CA GUNAA NI CAYUNI XHIIÑAʼ SEÑOR NÉ STALE GANA», ZANDA GUICÁBILUʼ PREGUNTA RIʼ:

• ¿Ximodo guluu ca hermana riʼ gana lii?