GUSÍʼDINU JMA JNEZA | GUYUU NAYECHEʼ RA GÚNILUʼ DISCÍPULO
Gucané ca estudiante stiluʼ gusaanacaʼ ca cosa ni cadi jneza
Para gaca xhamigu ca estudiante stinu Jehová, caquiiñeʼ gusaanacaʼ ca cosa ni cadi jneza ni rúnicaʼ (1Pe 1:14-16). Pa gusaana de gúnicabe ni la? zándaca jma galán zabaninécabe familia stícabe, ziuucabe nazaaca ne zándaca zápacabe ca cosa ni iquiiñecabe.
Bizeeteʼ lu estudiante stiluʼ xii nga ca ley stiʼ Jehová, xi pur gudíxhebe ca ni ne xi zabeendú estudiante ca pa chinanda ca ni. Gucané estudiante stiluʼ guchaa modo riníʼ ique purtiʼ nga zacané laa guni ni ná Jehová despué (Ef 4:22-24). Gudxi laabe siempre zacané Jehová laabe gusaanabe ca cosa ni cadi jneza ni rúnibe neca gácani nagana (Flp 4:13). Bisiidiʼ laabe guyúbibe gacané Jehová laabe ora gacaláʼdxibe gúnibe cosa ni cadi jneza. Gucané estudiante stiluʼ gudii cuenta xii nga ca cosa ni zándaca gucaa laa guchee ne gucané laabe gúnibe cosa ni zacané laabe. Ne ora gúʼyaluʼ cayacané Jehová estudiante stiluʼ guchaa, ziuuluʼ nayecheʼ.
DESPUÉ DE GÚʼYALUʼ VIDEU NI LÁʼ GACANENU CA ESTUDIANTE STINU GUSAANACAʼ CA COSA NI QUÉ RIUULAʼDXIʼ JEHOVÁ, ZANDA GUICÁBILUʼ CA PREGUNTA RIʼ:
¿Xi biʼniʼ ca ancianu ne Rita ora gudxi Coral laacaʼ riguʼbaʼ marihuana?
¿Xi biʼniʼ Rita para gucané Coral?
¿Xi biʼniʼ Coral para gucané Jehová laa?