¿Ñee cayúniluʼ sacrificiu para Jehová la?

Gúdxicabe David guni ti altar lu layú stiʼ Arauna (2Sa 24:18).

Gucalaʼdxiʼ Arauna nudii si layú ne ca maniʼ que para gúnicabe sacrificiu (2Sa 24:21-23).

Qué niná David nudii sacrificiu sin nizíʼ gastiʼ (2Sa 24:24, 25; it-1-S yaza 174).

Caadxi imagen ra rihuinni ximodo rúninu sacrificiu para Jehová. 1. Cayacané caadxi hermanu ne hermana ra cabí ti Yoo stiʼ Reinu. 2. Cusaba ti hermana bueltu ndaaniʼ ti caja de donación. 3. Cayuni predicarné ti guendaxheelaʼ carruhuiiniʼ lu calle. 4. Cayacané caadxi hermanu ne hermana lu labor de socorro.

Riuu Jehová nayecheʼ ora de guidubi ladxidoʼno riquiiñenu tiempu, stipa ne ca cosa ni nápanu para gúninu xhiiñaʼ (w12 15/1 yaza 18 párr. 8). ¿Xi meta zanda quíxheluʼ para cadi gusaana de gudiiluʼ sacrificiu? (Heb 13:15).