Cadi para chupa gubidxa si nga guendaxheelaʼ

Ca guendaxheelaʼ ni rusisaca Jehová nabánicaʼ nayecheʼ (Mr 10:9). Pa racalaʼdxiʼ ti xpinni Cristu guindaa xquendaxheelaʼ ne guibani nayecheʼ, caquiiñeʼ chinanda ca principiu zeeda lu Biblia ante cuiʼ tu guichaganáʼ.

Cadi gápaluʼ novio o novia pa nahuiinirouʼ, jma galán pa cuézaluʼ guiniisiluʼ xcaadxi, purtiʼ ora nahuiiniʼ binni la? stale biaje qué ricaa decisión jneza (1Co 7:36). Biʼniʼ aprovechar tiempu ni nápaluʼ laga nuuluʼ solteru para chuʼluʼ jma gaxha de Jehová ne gápaluʼ ca cualidad ni naquiiñeʼ gapa ti xpinni Cristu. Zacá zanda gácaluʼ ti buen compañeru o ti buena compañera ora maʼ bichaganaluʼ.

Ante guichaganaluʼ tuuxa gulee tiempu gunibiáʼ chaahuiluʼ laabe (1Pe 3:4). Pa nuu xiixa ni naguu xizaa lii, gudxi ni laabe. Lu guendaxheelaʼ la? jma naquiiñeʼ guizaalaʼdxiʼ tuuxa ni caquiiñeʼ xheelaʼ ne cadi guicá ique puru si para laa (Flp 2:3, 4). Pa chinándaluʼ ca conseju zeeda lu Biblia riʼ laga nuuluʼ solteru la? jma nagueenda zúniluʼ ca ni ora maʼ bichaganaluʼ ne ziuu xquendaxheelaluʼ nayecheʼ.

DESPUÉ DE GÚʼYALUʼ VIDEU NI LÁʼ XIMODO CHUʼLUʼ LISTU ANTE GUICHAGANALUʼ. PARTE 3: GUNÍʼ IQUE CHAAHUIʼ, ZANDA GUICÁBILUʼ CA PREGUNTA RIʼ:

• ¿Ximodo binibiáʼ hermana riʼ Shane?

• ¿Xi bidii hermana riʼ cuenta ora binibiáʼ chaahuiʼ Shane?

• ¿Ximodo gucané bixhózebe ne jñaabe laabe ne xi decisión risaca gucuaabe?